विमानमा भेटियो सर्प : छानबिनको आदेश

काठमाडाैं । शनिबार दुबई विमानस्थलमा एयर इन्डिया एक्सप्रेसको विमानमा सर्प भेटिएपछि नागरिक उड्डयन महानिर्देशनालयले घटनाको छानबिन गर्न आदेश दिएको छ । समाचार एजेन्सी पीटीआईको रिपोर्ट अनुसार बी७३७-८०० विमान केरलाको कालीकटबाट दुबई पुगेको थियो, जहाँ विमानको ब्यागेज क्षेत्रमा सर्प भेटिएको थियो । विमानबाट सबै यात्रुलाई सकुशल बाहिर निकालिएको छ ।

घटनाको जानकारी दिँदै डीजीसीएका एक वरिष्ठ अधिकारीका अनुसार एयरपोर्टको फायर सर्भिसलाई बोलाइएको थियो। उनले यो ग्राउण्ड ह्यान्डलिङका क्रममा भएको गल्तीको परिणाम भएको बताए । घटनाको छानबिन गरी आवश्यक कारबाही गरिनेछ । एयर इन्डिया एक्सप्रेसबाट यो घटनाको बारेमा कुनै जानकारी आएको छैन।