वर्ष २०२२ : फरक अभिनय मार्फत जो चर्चामा रहे

काठमाडाैं । वर्ष २०२२ बलिउडका लागि मात्र होइन तर दक्षिण भारतीय चलचित्र उद्योगका लागि पनि घटनापूर्ण वर्ष भएको छ जसले सफलतापूर्वक नाम र दाम कमाएको छ । दक्षिण भारतीय चलचित्र उद्योगले अहिले सबै सीमाहरू पार गर्दै विश्वव्यापी स्तरमा आफ्नो सिक्का जमाएको छ। बलिउड सेलिब्रेटीहरू मध्ये कतिपयले यो वर्ष बक्स अफिसमा नयाँ कीर्तिमान बनाए भने कतिपयले आफ्नो अविस्मरणीय अभिनयका कारण ठूलो प्रशंसा बटुले । यो साल हेडलाईनमा छाउने कलाकारहरुको कुरा हेरौं :

अल्लु अर्जुन : अल्लु अर्जुनको ‘पुष्पा – द राइज’ ले बलिउडमा मात्र नभई अन्तर्राष्ट्रिय स्तरमा पनि सबै ठूला रिलिजहरूलाई पछाडि छोडेर बक्स अफिसमा ऐतिहासिक बेन्चमार्क सेट गर्यो र विश्वव्यापी रूपमा ६०० करोड रुपैयाँ भन्दा बढी संकलन गर्यो । सुपरस्टार अल्लु अर्जुनको अपील र स्टार पावर यस्तो थियो कि यो फिल्मको हिन्दी संस्करणले मात्रै १३० करोडभन्दा बढी कमाएको थियो। अल्लु अर्जुनलाई मेन अफ द इयर अवार्डमा ‘लीडिङ म्यान’ को उपाधि प्रदान गरियो । यति मात्र होइन, यी लोकप्रिय स्टारले न्यूयोर्कको इन्डिया डे परेडमा ग्रान्ड मार्शलका रूपमा भारतको प्रतिनिधित्व पनि गरेका थिए।

दीपिका पादुकोण : अभिनेत्री दीपिका पादुकोणले बलिउडमा डेब्यु गरेदेखि नै राज गरिरहेकी छिन् । भर्खरै उनको बहुप्रतीक्षित फिल्म पठानको टिजर रिलिज भएको छ । दिपिका लक्जरी फ्रान्सेली डिजाइनर कार्टियरको नयाँ ब्रान्ड एम्बेसेडर तथा कान्समा ब्रान्डको सबैभन्दा ठूलो रेड कार्पेट ब्यांगमा भारतको पहिलो ग्लोबल एम्बेसेडर पनि हुन । आफ्ना उपलब्धिहरु थप्दै उनी ७५ औं फेस्टिभल डे कान्सको निर्णायक मण्डलमा समेत सामेल भइन्। यस बाहेक यी अभिनेत्रीले हालसालै आफ्नो सेल्फ केयर ब्रान्ड ८२ डिग्री ई लन्च पनि गरेकि छिन् ।

यश : आफ्नो उच्च व्यक्तित्व र पुरुषत्वका साथ यशको लोकप्रियता केजिएफ : च्याप्टर दुई पछि फेरि एकपटक शिखरमा पुग्यो । यसले भारतिय बक्स अफिसमा तहल्का मात्र मच्चाएन विदेशमा समेत नयाँ रेकर्डहरू सिर्जना गर्यो। फिल्मको हिन्दी संस्करण बाहुबली: द कन्क्लुजन पछि भारतमा दोस्रो सबैभन्दा धेरै कमाउने फिल्म बन्यो।

सामन्था रुथ प्रभु : Upushpa: The Rise and Family Man – 2 को उत्कृष्ट सफलता पछि, सुन्दर सामन्था रुथ प्रभुले आफ्नो पछिल्लो रिलिज ‘यशोदा’ मार्फत आफूलाई एक सफल स्टार प्रमाणित गरिन्, जसले उनलाई भारतको सबैभन्दा लोकप्रिय महिला कलाकार मध्ये एक बनायो । Ormax Media का अनुसार २०२२ मा सामन्थाले दीपिका पादुकोण, आलिया भट्ट, कट्रिना कैफ जस्ता धेरै अभिनेत्रीहरूलाई पछाडि छोडिन् किनभने उनी भारतको सबैभन्दा लोकप्रिय महिला कलाकारहरूको सूचीको शीर्ष स्थानमा छिन्।

कृति सेनन : कृति सेनन र वरुण धवन अभिनीत भेडियाको कन्सेप्ट ताजा थियो, जसका कारण फिल्मले बक्स अफिसमा राम्रो व्यापार गरिरहेको छ । साँच्चै भन्ने हो भने कृति बाहेक अरु कुनै पनि अभिनेत्रीमा पुरुष प्रधान फिल्ममा यो अफबिट र चुनौतीपूर्ण भूमिकालाई धान्न सक्ने क्षमता छैन । उनको क्यारेक्टरमा डुबेर चकित पार्ने अभिनय तथा मनोरञ्जक नृत्य पनि अविस्मरणीय छन । यति मात्र होइन, यी अभिनेत्री वर्षौंदेखि लोकप्रिय म्यागजिनहरूको कभरमा पनि छाइरहेकी छिन् र प्रतिष्ठित अवार्डहरू पनि जितेकी छिन्!

शेफाली शाह : यो वर्ष दिग्गज अभिनेत्री शेफाली शाहले ठूलो पर्दा र ओटीटी प्लेटफर्ममा ठूलो आत्मविश्वासका साथ विभिन्न भूमिकाहरू निर्वाह गरिन्। आफ्नो छनोट स्वभाव तथा अद्वितीय भूमिकाका लागि परिचित शेफालीले ‘डार्लिङ्स’, ‘डक्टर जी’, ‘दिल्ली क्राइम एस – २’, ‘जलसा’, ‘ह्युमन’ र बहुप्रतिक्षित ‘थ्री अफ अस’ आदि चलचित्रमा उत्कृष्ट अभिनय गरेकी छिन् ।

सोहम शाह : सोहम शाहले ‘तुम्बाड’, शिप अफ थेसियस, ‘तलवार’, ‘बिग बुल’ , ‘सिमरन’ , ‘महारानी’ तथा भीमा भारतीमा धेरै रोचक चरित्रहरूमा चाखलाग्दो अभिनय गरेकि छिन । उनको अभिनयमा आफ्नै किसिमको विशेषता छ र यो लोकप्रियताको मामिला साँच्चिकै फरक किसिमको छ । सोहमले ‘महारानी सिजन – १’ मा आफ्नो सहज अभिनयका लागि प्रशंसा पाइन भने उनले त्यसको सिजन २ मा अभिनय गरेर कथालाई सफलतापूर्वक अगाडि बढाइन।

विजय देवरकोन्डा : विजय देवरकोन्डाको विशाल फ्यान फलोइङ र स्टारडम बलिउडमा पहिलो पटक लिगरको पोस्टर बाहिर आए पछि देखियो। केही समय नबित्दै त्यो पोस्टरले इन्टरनेटमा आँधीबेहरी ल्यायो । विजयका फ्यानहरूले उनलाई ‘राष्ट्रिय क्रश’ पनि भने ।

रकुल प्रीत सिंह : सुन्दर नायिकाका रुपमा परिचित रकुल प्रीत सिंहले आफ्नो अभिनय कौशल देखाउदै ‘थ्याङ्क गड’, ‘कठपुतली’, ‘रनवे ३४’ तथा ‘डाक्टर जी’ जस्ता फिल्ममा विभिन्न भूमिका निर्वाह गरिन् ।

रश्मिका मण्डना : यो वर्ष रश्मिकाले आफ्नो उत्कृष्ट अभिनयले सबैको मनमा राज गरिन् । उनि सामाजिक सञ्जालमा जताततै ट्रेन्ड गरिरहेकी छिन् । उनको गुड बाइले पनि सबैको मन जितेको छ ।

यामी गौतम : यामी गौतमका लागि यो वर्ष निकै सफल सनबित भएको छ किनभने यी उत्कृष्ट अभिनेत्रीको ‘अ थर्डिडे’ तथा ‘डस्टविन’ बाहेक दुईवटा रिलिज भएका ओटीटी चलचित्रका रुपमा । ‘अ थर्डिडे’ ले गम्भीर विषयलाई लिएर काम गरिरहेको बेला ‘डस्टविन’ले उनलाई अभिनेताका रूपमा प्रयाप्त काम देखाउने अबसर दियो। यामीको पाइपलाइनमा ‘गुमसुदा’ तथा ‘ओएमजी – २’ जस्ता प्रोजेक्ट छन् ।

विजय वर्मा : इम्तियाज अलीको ‘शी’ मा कुख्यात लागूऔषध डिलर शस्या र ‘गली ब्वाय’ मा मोइनको भूमिका निर्वाह गरेपछि, विजय वर्माले जसमीत के रीनको ‘डार्लिंग्स’ मा एक जटिल व्यक्तिको भूमिका निर्वाह गरे । ती सबै फिल्ममा उनले उत्कृष्ट प्रदर्शन गरे । आफ्नो पुस्ताका उत्कृष्ट अभिनेता मध्ये एक, आलिया भट्ट प्रति दुर्व्यवहार गर्ने पति हम्जाका रूपमा डार्लिंग्समा विजयको अभिनयले प्रसस्त प्रशंसा पायो भने उक्त चरित्रका कारण उनले घृणा पनि कमाए ।