तयार भयो एडस रोक्ने इन्जेक्शन
काठमाडौं । हालसम्म निको नहुने एचआईभी र एड्स रोगलाई अब पूर्ण रूपमा निको पार्न सकिने भएको छ । विश्वभरका लागि यो निकै ठूलो र सुखद खबर हो । अमेरिकाले ह्युमन इम्युनोडेफिशियन्सी भाइरस (एचआईभी) को प्रभावलाई पूर्णतया बेअसर गर्ने नयाँ इन्जेक्टेबल औषधिलाई अनुमोदन गरेको छ । वैज्ञानिकहरूले परीक्षणपछि यो औषधि एचआइभी बिरामीहरूमा शतप्रतिशत प्रभावकारी पाएका छन् ।
यो परीक्षणपछि पहिलो पटक एचआइभीबाट हुने ह्युमन इम्युनोडेफिशियन्सी सिन्ड्रोम (एड्स) अन्त्य हुने आशा जागेको छ र यसले विश्वलाई नयाँ वर्ष अघि खुसि मनाउने एउटा अवसर पनि दिएको छ । वैज्ञानिकहरु लामो समयदेखि एचआईभी एड्स रोक्ने औषधि बनाउने काममा लागेका छन् । एक वर्ष पहिले, अमेरिकाले एचआईभी रोक्ने नयाँ इन्जेक्टेबल औषधिलाई अनुमोदन गरेको थियो ।
यसको क्लिनिकल परीक्षण पूर्णतया सफल भएको पाइएको छ। वैज्ञानिकहरूका अनुसार लामो समयसम्म चल्ने क्याबोटेग्राभिरसँगको एचआइभी रोकथाममा यो औषधि लगभग शतप्रतिशत प्रभावकारी भएको पाइएको छ । यसलाई अमेरिकामा २० डिसेम्बर २०२१ मा एचआईभी प्रि-एक्सपोजर प्रोफिलेक्सिस (PrEP) का रूपमा प्रयोगका लागि स्वीकृत गरिएको थियो । यो स्वीकृतिको अर्थ योग्य व्यक्तिहरूले अब असुरक्षित यौन सम्पर्कबाट सर्ने एचआईभी संक्रमण रोक्न प्रत्येक आठ हप्तामा यो औषधि लिन सक्नु हो ।
एचआईभी-एड्सको जोखिम हटाउन शतप्रतिशत सक्षम : लामो समयसम्म चल्ने इन्जेक्टेबल नयाँ भए पनि, मौखिक प्रि-एक्सपोजर प्रोफिलेक्सिस ( दैनिक वा यौन क्रियाकलापको वरिपरि लिइने चक्की ) लाई अमेरिकामा सन् २०१२ मा नै स्वीकृत गरिएको थियो। क्यानाडाले २०१६ मा मात्र -एक्सपोजर प्रोफिलेक्सिसलाई स्वीकृत गर्यो । लगातार प्रयोग गर्दा ओरल पीआरईपीले एचआईभीको जोखिमलाई लगभग १०० प्रतिशतले कम गर्छ, तर हालैका क्लिनिकल परीक्षणहरूले देखाउँछन् कि इन्जेक्शनयोग्य पीआरईपी अझ प्रभावकारी छ ।
प्रत्येक दुई महिनामा इन्जेक्सन : इन्जेक्टेबल पीआरईपीको मुख्य फाइदा हरेक दिन चक्की खानु भन्दा वा यौन गतिविधि अघि र पछि चक्की खानु भन्दा हरेक दुई महिनामा सुई लगाउन जानु धेरै सजिलो हुनु पनि हो । चक्कीको बिकल्पमा इन्जेक्सनमा आउनु भनेको अझ सजिलो र सरल हुनु हो जसले एचआईभी-एड्स रोकथामका प्रभावकारि काम गर्छ ।
यद्यपि केही व्यक्तिले विभिन्न कारणहरूले इन्जेक्सनको सट्टा चक्की नै मन पराउन सक्छन् भने पीआरईपी ले यसमा अर्को विकल्प प्रदान गर्दछ । थप छनौटको अर्थ थप रोकथाम हो किनभने विभिन्न व्यक्तिहरू आफ्ना आवश्यकता अनुरूप विभिन्न प्रकारका पीआरईपी प्रयोग गर्न इच्छुक हुन सक्छन् ।
प्रतिक्रिया