ए डिभिजन लिग फागुन १९ गतेदेखि

काठमाडाैं । सहिद स्मारक लिग ए डिभिजन लिग फागुन १९ देखि सुरु हुने भएको छ । पुस अन्तिम सातालाई तय भएको सहिद स्मारक ‘ए’ डिभिजन लिग फागुन १९ गते सुरु हुने भएको हाे । यसअघि एन्फाले पुस २६ देखि लिग गर्ने निर्णय गरेको थियो ।

एन्फाले यो पटक डबल राउन्ड रोबिन पद्धतिमा लिग सञ्चालन गर्ने तयारी गरेको थियो । त्यसका लागि पहिलेको भन्दा लाग्ने खर्च पनि दोब्बर हुने भएकाले तयारी खर्च बढाउन एन्फा तयार भएको थियो ।

विगतका वर्षहरूमा प्रदान गर्दै आएको तयारी खर्च वापतको १५ लाख रुपैयाँ बढाएर २५ लाख दिन एन्फा सहमत भएको थियो । तर, एन्फाले गत वर्षको बक्यौता साढे सात लाख रुपैयाँ क्लबहरूलाई दिन बाँकी नै छ ।