भुटनीज आहा ! राराको फाइनलमा 

काठमाडाैं । अमेरिकाको भुटनीज युथ सकर क्लब २२औं संस्करणको आहा ! रारा पोखरा गोल्डकप फुटबलको फाइनलमा स्थान पक्का गरेको छ ।

पोखरा रंगशालामा आज भएको दोस्रो सेमिफाइनलमा चर्च ब्वाइज युनाईटेडलाई १–० गोल अन्तरले हराउँदै भुटनीज क्लबले फाइनलमा स्थान बनाएको हो ।

फाइनलमा उपाधिका लागि संकटा क्लबसँग प्रतिस्पर्धा गर्ने छ । भुटनीजलाई जिताउन रोजिन प्रजापतिले पहिलो हाफको अतरिक्त तेस्रो मिनेटमा गरेको गोल नै निर्णायक बन्न पुग्यो ।

८४ औं मिनेटमा आशिष चौधरीले दोहोरो पहेलो कार्ड पाउँदै मैदान छाडेपछि चर्च ब्वाइज १० खेलाडीमा झरेको थियो । फाइनल खेल शनिबार हुने छ ।