दुईवटा मोटरसाइकल दुर्घटनामा तिनजनाको मृत्यु

काठमाडौं । सप्तरी जिल्लाको खडक नगरपालिका- ११ मा रोकेर राखिएको टिपरमा ठोक्किएर दुई जना मोटरसाइकल सबारको मृत्यु भएको छ भने एक जना भने गम्भीर घाइते भएका छन् ।

हिजो राति २ बजे स१ख ९२८ नम्बरको बिग्रिएको टिपरको पछाडि बोदेबर्साइनबाट राजविराजतर्फ गैरहेको बा ८९ प ३२१५ तथा प्रदेश १-०२-०४४ प ८६१९ नम्बरको मोटरसाइकल ठोक्किएका थिए ।

यसैगरी हिजो राति नै काभ्रेको धुलिखेल नगरपालिका- ६ हस्पिटल चोकमा भएको मोटरसाइकल दुर्घटनामा एकजनाको मृत्यु भएको छ ।

मृतकको सनाखत सिन्धुपालचोक , इन्द्रावति गाउँपालिका- ३ बस्ने ३० वर्षीय राजकुमार बानियाँका रुपमा गरिएको छ । बानियाँको धुलिखेल अस्पतालमा राति सवा १० बजे मृत्यु भएको जिल्ला प्रहरी कार्यालय काभ्रेपलाञ्चोकले जनाएको छ ।