लेनदेन बिगो मुद्धाका फरार प्रतिवादी भट्टराई पक्राउ

काठमाडौं ।लेनदेन बिगो मुद्धाका फरार प्रतिवादीलाई प्रहरीले पक्राउ गरेको छ । काठमाडौं उपत्यका अपराध अनुसन्धान कार्यालय मिनभवनले सुनसरीको धरान उपमहानगरपालिका वडा नं १७ घर भई हाल ललितपुर जिल्लाको महालक्ष्मी नगरपालिका वडा नं ८ लामाटार बस्दै आएका ४४ बर्षिय संजिब भट्टराईलाई पक्राउ गरिएको हो ।
काठमाडौं जिल्ला अदालतबाट लेनदेन बिगो मुद्धामा दुई बर्ष कैद र ४० लाख रुपैयाँ बिगो कायम भएको मुद्धामा फरार रहेका भट्टराईलाई यही पुस २४ गते आईतबार काठमाडौंको त्रिपुेश्वरबाट पक्राउ गरिएको उक्त कार्यालयले जनाएको छ ।

पक्राउ परेका भट्टराईलाई फैसला कार्यान्वयनका लागि सोमबार काठमाडौं जिल्ला अदालतमा पेस गरिएको कार्यालयको भनाई छ ।