नेपाल टी २० लिग : फाइनल खेल आज

काठमाडौं । काठमाडौंमा जारी नेपाल टी २० लिग क्रिकेट प्रतियोगिताको उपाधिका लागि आज लुम्बिनी अल स्टार र विराटनगर सुपर किङ्स भिड्दैछन् ।

फाइनल खेल किर्तिपुरस्थित टियु मैदानमा मध्यान्ह १२ बजेबाट सुरु हुनेछ । समूह चरण विजेता लुम्बिनीले पहिलो क्वालिफायरमा जनकपुर रोयल्सलाई पराजित गरेर फाइनलमा स्थान बनाएको हो ।

विराटनगरले भने समूह चरणमा तेस्रो स्थानमा रहँदै इलिमिनेटरमा काठमाडौं नाईट्स तथा दोस्रो क्वालिफायरमा जनकपुरलाई पराजित गरि फाइनलमा स्थान बनाएको हो ।

यस लिगको समूह चरणमा विराटनगर र लुम्बिनीले एक आपसकाविरुद्ध दुई खेल खेलेकामा दुवै खेल लुम्बिनीले जितेको थिए । पहिलो संस्करणको लिगमा ६ टोली प्रतिस्प्रर्धामा थिए ।