नाबालिग करणी आरोपमा एक युवक पक्राउ

सोलुखुम्बु । नाबालिग करणी गरेको आरोपमा सोलुखुम्बुमा एक युवक पक्राउ परेका छन् । पक्राउ पर्नेमा सोलुदूधकुण्ड नगरपालिका–२ का २५ वर्षीय विक्रम श्रेष्ठ रहेका छन् ।

जिल्ला प्रहरी कार्यालयका प्रहरी निरीक्षक एवम् सूचना अधिकारी राम किशोर शाहका अनुसार एक १५ वर्षीया बालिकालाई पटक पटक करणी गरेको अभियोगमा श्रेष्ठलाई शुक्रवार घरबाटै पक्राउ गरिएको हो ।

युवक उपर जबरजस्ती करणी अन्तर्गत मुद्दा दर्ता भइ अनुसन्धान भइरहेको प्रहरीले जनाएको छ ।