७२ जना सवार विमान दुर्घटनामा ३० जनाको शव फेला

काठमाडौं । चार चालक दलसहित ७२ जना सवार यती एयरलाइन्सको एएनसी एटीआर ७२ विमान दुर्घटनामा ३० जनाको शव फेला परेको छ । काठमाडौंबाट पोखराका लागि उडेको विमान पोखरा नजिक दुर्घटना भएको हो ।

अहिले विमानमा लागेको आगो निभाउने र उद्धारको प्रयास भइरहेको प्रमुख जिल्ला अधिकारी टेक बहादुर केसीले जानकारी दिए । उनले भने, ‘शव निकाल्ने काम भइरहेको छ । अहिलेसम्म ३० जनाको शव निकालियो । अन्यको खोजी भईहरेको छ ।’

उनका अनुसार जिवित यात्रु भेटिने संभावना निकै कम छ ।