आईपीएलको पहिलो खेलमा गुजरात टाइटन्ससँग चेन्नई सुपर किंग्स पराजित

शुभमन गिलको अर्धशतकीय इनिङ्स र अन्तिम ओभरमा राशिद खान र राहुल तेवाटियाको तीव्र ब्याटिङको मद्दतले गुजरात टाइटन्सले क्ष्एी २०२३ को पहिलो खेलमा चेन्नई सुपर किंग्सलाई पाँच विकेटले पराजित गरेको छ ।

पहिले ब्याटिङ गरेको चेन्नई सुपर किंग्सले ओपनर ऋतुराज गायकवाडको ९० रनको इनिङ्समा गुजरात टाइटन्सलाई जितका लागि १७९ रनको लक्ष्य दिएको थियो ।

लक्ष्य पछ्याउने क्रममा गुजरातको टोलीका ओपनर शुभमन गिल र ऋद्धिमान साहाले उत्कृष्ट सुरुवात गरेका थिए ।
चौथो ओभरमा १६ बलमा २५ रन बनाएर ऋद्धिमान साहा आउट भए पनि त्यतिन्जेल स्कोरबोर्डमा ३७ रन नै भइसकेको थियो ।
यहाँ गुजरातले आफ्नो प्रभावशाली खेलाडी साई सुदर्शनलाई मैदानमा उतार्यो, जसले शुभमन गिलसँग दोस्रो विकेटका लागि ५३ रनको साझेदारी गरे ।

गुजरातको इनिङ्समा साई सुदर्शनले १७ बलमा २२ रन बनाएर महत्वपूर्ण योगदान दिए । यसपछि कप्तान हार्दिक पाण्ड्या ब्याटिङ गर्न आए तर ८ रन मात्र बनाएर रविन्द्र जडेजाको हातमा बोल्ड भए ।

यस क्रममा शुभमन गिलले आफ्नो अर्धशतक पूरा गरे । यस क्रममा शुभमन गिलले एक छेउबाट रन बनाउने क्रम जारी राखे ।
आखिर, १५ औं ओभरको अन्तिम बलमा छक्का प्रहार गर्ने प्रयासमा शुभमन गिल आउट भए । उनले ३६ बलमा ६३ रनको पारी खेले र यस क्रममा उनले ६ चौका र तीन छक्का प्रहार गरे ।

अन्तिम ओभरमा राहुल तेवाटिया र राशिद खानले तीव्र गतिमा खेल्दै गुजरातलाई सहज जित दिलाए ।

अहमदाबादको नरेन्द्र मोदी स्टेडियममा रंगीन कार्यक्रमपछि गुजरात टाइटन्स र चेन्नई सुपर किंग्सबीचको खेलबाट आईपीएल सिजन–१६ सुरु भएको छ ।

आईपीएलको यो पहिलो खेलमा गुजरातका कप्तान हार्दिक पाण्ड्याले टस जितेर चेन्नईका कप्तान महेन्द्र सिंह धोनीलाई ब्याटिङको निम्तो दिएका थिए ।

गुजरातका लागि मोहम्मद शामीले पहिलो ओभर बलिङ गरे र त्यसमा उनले २ रन मात्र बनाउन दिए । पहिलो ओभरमा पिचको अनुभूति गरेपछि ऋतुराज गायकवाडले दोस्रो ओभरमा हार्दिक पाण्ड्यालाई लगातार दुई चौका प्रहार गरे र आफ्नो मनसाय प्रकट गरे।

तर, खेलको तेस्रो ओभरमा दोस्रो ओपनर डेभोन कोनवेलाई आउट गर्दै मोहम्मद शामीले चेन्नईलाई पहिलो झटका दिएका थिए । कोनवेले ६ बलमा एक रन मात्र बनाउन सके ।

कोनवे आउट भएपछि मोइन अली आए र हात खोल्न थालेका थिए कि राशिद खानको बल विकेटको पछाडि क्याच भयो ।
मोइनले १७ बलमा चार चौका र एक छक्काको मद्दतले २३ रन बनाए ।

खेलको सातौं ओभर बलिङ गर्न आएका कप्तान हार्दिकलाई ऋतुराज गायकवाडले लगातार दुई छक्का प्रहार गरे । राशिद खानले पनि आठौं ओभरमा बेन स्टोक्सलाई आउट गरे । स्टोक्सले ७ रन मात्र बनाउन सके । अर्को ओभरमा ऋतुराज गायकवाडले अल्जारी जोसेफलाई तीन छक्का प्रहार गर्दै अर्धशतक पूरा गरे ।

चेन्नईले ९ ओभरमा ९० रन बनाएको थियो । तर अम्बाती रायुडु आउट भएपछि र शिवम दुबे पिचमा आएपछि रन रेट सुस्त हुँदै गयो र १७ ओभरमा ८.८८ पुगेको थियो ।

१८ औं ओभरको पहिलो बलमा ऋतुराज गायकवाड ५० बलमा ९ छक्का र चार चौकाको मद्दतले ९२ रन बनाएर आउट भए ।
त्यसपछि रविन्द्र जडेजा पिचमा आए तर एक रन बनाएर आउट भए ।

१९ औं ओभरमा शिवम दुबे १८ बलमा १९ रन बनाएर आउट भएका उनलाई मोहम्मद शामीले आउट गरेका थिए ।

चेन्नईको इनिङ्समा १४ बल मात्र बाँकी रहँदा महेन्द्र सिंह धोनी पिचमा आए तर अन्तिम ओभर अघि दुई बलमा दुई रन मात्र बनाउन सके ।

तर, अन्तिम ओभरको अन्तिम चार बलमा धोनीले ११ रन बनाएर चेन्नईको स्कोर १७८ मा पुर्याए । धोनीले ७ बलमा १४ रन बनाएपछि अविजित रहे ।