जलवायुको झट्का : लाखौं ब्राजिलियन गरिब हुँदैछन्

विश्व बैंकको प्रतिवेदनले जलवायु परिवर्तनले २०३० सम्ममा करोडौं ब्राजिलियनलाई चरम गरिबीमा धकेल्ने बताएको छ । विश्व बैंकले नवीकरणीय ऊर्जाका स्रोतका लागि लगानीलाई तीव्रता दिन समेत आग्रह गरेको छ ।

विश्व बैंकको यो प्रतिवेदनमा आगामी सात वर्षमा ब्राजिलका करिब ३० लाख मानिस चरम गरिबीमा जाने उल्लेख गरिएको छ । यसको प्रमुख कारण जलवायु परिवर्तन हो। जलवायु परिवर्तनको प्रभाव विश्वभर जुन गतिमा देखिएको छ, त्यही कारण ब्राजिलका जनता पनि यसको चपेटामा परेको देखिन्छ ।

प्रतिवेदनमा भनिएको छ दक्षिण अमेरिकाको यो देश प्राकृतिक प्रकोपहरू विशेष गरी बाढी, खडेरी, बढ्दो खाद्यान्न मूल्यहरू र कम श्रम उत्पादकता जस्ता चीजहरूबाट प्रभावित हुनेछ। नवीकरणीय ऊर्जा स्रोतहरूमा ब्राजिल बलियो स्थितिमा छ ।

प्रतिवेदनमा भनिएको छ – ब्राजिल नवीकरणीय ऊर्जाको स्रोतका रूपमा बलियो स्थितिमा छ किनभने यसको लगभग आधा ऊर्जा आपूर्ति ( जसमा यसको ८० प्रतिशत भन्दा बढी बिजुली समावेश छ ) पहिले नै नवीकरणीय ऊर्जा स्रोतहरूबाट आउँछ। जबकि विश्वको औसत १५ प्रतिशत र २७ प्रतिशतको बीचमा छ ।

ब्राजिल पहिले देखि नै जलवायु परिवर्तन को प्रभाव संग जूझिरहेको छ। विश्व बैंकको प्रतिवेदनअनुसार जलवायु परिवर्तनको असर मुलुकमा तापक्रम र वर्षाको उतारचढावका रूपमा देखिएको छ । ब्राजिलमा खराब मौसमका कारण प्रत्येक वर्ष औसत २६० मिलियन डलर बराबरको क्षति हुन्छ ।

भारी वर्षाले हालैका वर्षहरूमा ब्राजिलमा पहिरो र बाढीलाई सामान्य बनाएको छ, जसले देशका कम आय भएका क्षेत्रहरूलाई प्रभावित तुल्याएको छ । -रोयटर्स