सरकारले उखुलाई उधारो बाली बनायो : अमरेशकुमार सिंह

काठमाडौं । स्वतन्त्र सांसद डा. अमरेशकुमार सिंहले उखु किसानलाई उपेक्षित गरेको बताएका छन् ।

आइतबार प्रतिनिधिसभा बैठकको शून्य समयमा बोल्दै उनले सरकारले उखु किसानलाई कुनै सुविधा नदिएर यसलाई उधारो बाली बनाएको बताए ।

उखु नगदे बाली हो । सरकारले उधारो बाली बनाएको छ । किसानलाई न मल दिन्छ, न बिउ दिन्छ । कृषकले उखु उत्पादन दिन्छ । सरकारले उधारोमा अड्काइदिन्छ,’ सिंहले भने ।

उखुको पैसा नपाउँदा कृषकलाई धान बालीका लागि बिउ किन्न समस्या भइरहेको पनि उनले बताए ।