आईपीएल – २०२३ प्लेअफको समिकरण पुरा

काठमाडाैं । आईपीएल – २०२३ को अन्तिम लिग खेलमा गुजरात टाइटन्ससँग पराजित भएपछि आरसीबीले प्लेअफमा पुग्ने मौका गुमाएको छ भने अब मुम्बई इन्डियन्स प्लेअफमा प्रवेश गरेको छ । मुम्बई आईपीएलको १६ सिजनमध्ये १० औं पटक प्लेअफमा प्रवेश गरेको हो । यो सँगै अंक तालिकाको शीर्ष ४ को स्थान पनि तय भएको छ ।

लिगको अन्तिम अंक तालिका अनुसार गुजरात टाइटन्स २० अंकसहित लिगको शीर्ष स्थानमा छ । अर्कातर्फ चेन्नई सुपर किंग्स १७ अंकका साथ दोस्रो स्थानमा छ भने लखनऊ सुपर जाइन्ट्स पनि समान अंकसहित तेस्रो स्थानमा छ । अन्तिम खेलमा सनराइजर्स हैदरावादलाई हराएर प्लेअफमा पुगेको मुम्बई इन्डियन्स १६ अंकसहित चौथो स्थानमा छ ।

चेन्नईले अब क्वालिफायर १ मा गुजरातको सामना गर्नेछ । यता एलिमिनेटरमा लखनउ मुम्बईसँग भिड्नेछ ।

प्लेअफको खेल तालिका

क्वालिफायर -१
२३ मे २०२३
चेन्नई विरुद्ध गुजरात
स्थान स् चेपौक

एलिमिनेटर
२४ मे २०२३
लखनउ विरुद्ध मुम्बई
स्थान स् चेपौक

क्वालिफायर -२
२६ मे २०२३
एलिमिनेटर विजेता विरुद्ध क्वालिफायर -१ हार्ने
स्थान स् अहमदाबाद

फाइनल
२८ मे २०२३
क्वालिफायर -१ विजेता विरुद्ध क्वालिफायर -२ विजेता
स्थान स् अहमदाबाद
नोटस् प्लेअफका सबै खेल नेपाली समय अनुसार साँझ ७।३० बजे प्रारम्भ हुनेछन् ।