पाठ्यक्रमबाट डा. रुईतको जीवनी हटाउनु निन्दनिय : रघुजी पन्त

काठमाडौं । नेपाल कम्युनिस्ट पार्टी एमालेका सांसद रघुजी पन्तले पाठ्यक्रमबाट डा. सन्दुक रुईतको जीवनी हटाउनु निन्दनीय भएको बताएका छन् ।

प्रतिनिधिसभाको शून्य समयमा बोल्दै सांसद पन्तले कक्षा १० को पाठ्यक्रमबाट डा. रुईतको जीवनी हटाउनुको कारण माग गरेका हुन् ।

उनले भने,’ कक्षा १० को ८ पृष्ठको जीवनीलाई भाँचेर ५/६ कक्षातिर राखिएको छ । डा. सन्दुक रुईतको जीवनी पढाउन आवश्यक छ । उहाँको कारणले हाम्रो देशको इज्जत बढेको छ । किन उहाँको जीवनी हटाइयो  ? म शिक्षा मन्त्री ज्यू बाट यसको जवाफ चाहन्छु । ‘

सांसद पन्तले साना कक्षाका बालबालिकालाई सशस्त्र द्वन्द्वको कुरा पाठ्यक्रममा राखेर पढाउनु ठिक नभएको समेत बताए ।