गोरा मानिसहरू माझ कायमै छ जातिवाद

सबै आर्थिक, सामाजिक प्रगति तथा शिक्षाका बाबजुद मानव मनबाट जातीय विभेदको काँडा हट्न सकेको छैन् । यस्तो सोच नभएको दाबी गर्ने गोरा मानिसहरूमा यस्तो जातिबादि सोच अझ बढी छ । वैज्ञानिक अनुसन्धानले यो कुराको पुष्टि गरेको हो ।

एउटा शाश्वत सत्य के हो भने सबै मानिस एउटै प्रजातिका हुन् । यो प्रजातिको नाम होमो सेपियन्स हो । यद्यपि नयाँ अनुसन्धान प्रतिवेदनले यो कुरालाई सत्य मान्ने मानिसहरू धेरै नभएको बताउँछ।

यो प्रतिवेदन द प्रोसिडिङ्स अफ द नेसनल एकेडेमी अफ साइन्सेजमा हार्वर्ड विश्वविद्यालय र टफ्ट्स विश्वविद्यालयका अनुसन्धानकर्ताहरूको समुहले ६० हजार मानिसमा १३ वटा परीक्षणबाट प्राप्त नतिजाका आधारमा तयार पारेको हो ।

प्रयोगमा संलग्न ९० प्रतिशतले गोरो होस् वा कालो सबै मानिस एउटै प्रजातिका हुन् भन्ने कुरामा स्पष्ट विश्वास व्यक्त गरे । यद्यपि अमेरिका र अन्य देशका गोरा मानिसहरूले मानव शब्दको अर्थ अरू समूहका मानिसहरू भन्दा आफ्नो समूहका मानिसहरू भनेर बढी बुझेका छन्। यसको विपरित, कालो, एशियाली र हिस्पेनिक सहभागीहरूले त्यस्तो कुनै पूर्वाग्रह देखाएनन्। तिनीहरू अरु समूह जस्तै गोरा मानिसहरूलाई पनि “मानव” मान्छन्।

यो अनुसन्धानमा इम्प्लिसिट एसोसिएसन टेस्ट, आईएटीको सहयोग लिइएको थियो । यो एउटा उपकरण हो जुन १९९० मा विकसित भएको थियो र यो क्षेत्रमा व्यापक रूपमा प्रयोग गरिन्छ। यो कम्प्युटर-आधारित उपकरणले दुई विचारहरू बीचको सम्बन्धको बल मापन गर्दछ। उदाहरणका लागि कालो र सेतो मानिसहरू वा समलिङ्गी र सीधा मानिसहरूको दुई विशेषता जस्तै राम्रो र खराब।

यो प्रयोगमा ६१ प्रतिशत गोरा सहभागीहरूले गोरा मानिसहरूलाई “मानव” सँग र अश्वेत मानिसहरू लाइ “जनावर” सँग जोडेका थिए।

अझ ठूलो संख्या लगभग ६९ प्रतिशत गोरा मानिसहरूले एसियाली मानिसहरूलाई जनावरसँग जोडेका थिए । गोरा र हिस्पेनिकहरू बीचको परीक्षणको नतिजा पनि उस्तै थियो। मानिसहरूको उमेर, धर्म र शिक्षाले यी नतिजाहरूमा कुनै प्रभाव पारेन, तर लिङ्ग र राजनीतिक प्रवृत्तिको प्रभाव पक्कै थियो।

अश्वेतहरू बीच पनि पूर्वाग्रह

अश्वेतहरूले तुलनात्मक रुपमा गोरा मानिसहरूप्रति यस प्रकारको जातीय पूर्वाग्रह देखाउँदैनन्। यद्यपि जब तिनीहरूलाइ गोरा मानिसहरू र अन्य अल्पसंख्यक समूहहरू विच तुलना गर्न भनियो उनीहरूले गोरा मानिसहरू लाई मानिस नगन्ने प्रवृत्ति देखा पर्यो । -AFP