आर्मीलाई १–० गोलले पराजित गर्दै एनआरटी आठौं स्थानमा उक्लियो
नेपालखोज
२०८० जेठ १० गते १६:५३
काठमाडाैं । न्युरोड टिम एनआरटी काठमाडौंमा जारी सहिद स्मारक ‘ए’ डिभिजन लिगमा आठौं स्थानमा उक्लेको छ । बुधबार भएको पहिलो खेलमा त्रिभुवन आर्मी फुटबल क्लवलाई १–० गोलले पराजित गर्दै एनआरटी आठौं स्थानमा उक्लेको हो ।
खेलमा एनआरटीका क्रितिशरत्न छुन्जुको गोल निर्णायक रह्यो । पहिलो हाफ गोल रहित बराबरीमा सकिएको खेलको ७९औं मिनेटमा क्रितिशले गोल गरेका हुन् ।
खेलको ४८ औं मिनेटमा एनआरटीका खेलाडी निकोलास संगको प्रहारलाई आर्मीका गोलरक्षक विकेश कुथुले बचाए । आर्मी लिगमा २१ खेलमा २९ सहित पाँचौं स्थानमा यथावत रहँदा एनआरटी समान खेलबाट खेलमा २६ अंक जोड्दै आठौं स्थानमा उक्लेको छ ।
सम्बन्धित
प्रतिक्रिया