नेपालमा रक्तदान

वि.सं. २००० मा दयावीर सिंह कंसाकारले पहिलो पटक रक्तदान गरेर बिरामी रत्नकाजी तुलाधरको जीवन बचाएका थिए भने वि.सं. २०२१ वैशाख २६ गते विश्व रेडक्रस दिवसको अवसरमा राजा महेन्द्रले रक्तदान गरेका थिए ।

राजाबाट रक्तदान गरिएको सो रगत वीर अस्पतालमा उपचार गराइरहेकी महिला शान्ति प्रधानलाई दिइएको थियो । यसरी सो रगतले उनको जीवन बचाएको थियो । यिनै दयावीरले २००२ सालमा काठमाडौँमा झाडाबान्ताको प्रकोप हुँदा परोपकार औषधालयको सुरुवात गरे ।

२००४ सालमा पोखरामा परोपकार औषधालयको शाखा खोले । २००९ सालमा परोपकार अनाथालय खोले । २०१६ सालमा प्रसूति गृह खोले, जसको लागी राजा महेन्द्रले पनि ठुलो सहयोग गरे ।