इलेक्ट्रिक कारमा चीनको बढ्दो पकड

काठमाडाैं । चीन विश्वको सबैभन्दा ठूलो र सबैभन्दा महत्त्वपूर्ण कार बजार हो । यस बीच विद्युतीय कार क्षेत्रमा चिनले तीव्र वृद्धि दर्ता गराएको छ। चिनले बिक्री र निर्यातमा मात्र होइन उत्पादनमा पनि जित हासिल गरेको छ । अहिले विश्वको हरेक दोस्रो विद्युतीय गाडी चीनको छ । चिनियाँ उत्पादकहरूले टेक्नोलोजीमा द्रुत गतिमा प्रगति गरिरहेका छन् भने उनिहरु इलेक्ट्रिक कारको अग्रणी कम्पनी टेस्लाको हाराहारीमा पुग्न तत्पर छन्।

चिनियाँ घरेलु ब्रान्डहरू मध्यमवर्गीय तथा उच्च वर्गीय चिनियाँ कार खरिदकर्ताहरूमाझ लोकप्रिय हुँदै गएका छन् । चाइना प्यासेन्जर कार एसोसिएसनको पछिल्लो तथ्याङ्क अनुसार चीनको सबैभन्दा ठूलो कार निर्माता बिवाईडि ( BYD ) ले यो वर्षको पहिलो ६ महिनामा टेस्ला भन्दा बढी इलेक्ट्रिक कार बेचेको छ । विशेष गरी एडभान्स्ड असिस्टेन्ट र इन्फोटेनमेन्ट प्रणाली जस्ता डिजिटल सुविधाहरूका कारणले मेड इन चाइना गाडीहरू अहिले बढ्दो लोकप्रिय हुँदै गएका छन्। चीनको व्यस्त सडकहरूमा देखिने ट्राफिक अवस्थालाई विचार गर्दा यो कुरा आफै पुष्टि हुन्छ ।

अध्ययन अनुसार सुविधा र गुणस्तरका हिसाबले ग्राहकहरूले चिनियाँ कारहरूलाई प्रतिष्ठित र चर्चित कम्पनीका कारहरूसँगको तुलनामा अझ राम्रो मान्छन् ।

परम्परागत सुविधाहरूको सट्टा टेक्नोलोजी चिनियाँ ग्राहकहरूका लागि कार किन्ने प्रेरणादायी शक्ति बनेको छ । चीनमा बिक्री हुने ८० प्रतिशत विद्युतीय सवारी स्वदेशमै बनाइन्छ । त्यहाँ टेस्लाको नाम मात्र शीर्ष दस शिर्ष बिक्रेताहरूमा छ । अरु कुनै पनि देसका ब्रान्डहरू टप टेनको सूचीमा छैनन्।

यदि हामीले समग्र चिनियाँ कार बजारलाई हेर्यौं भने चिनियाँ ब्रान्डहरूले यो वर्ष पहिलो पटक बिक्रीमा विदेशी ब्रान्डहरूलाई पछाडि पार्नेछन्। यसमा जीवाश्म इन्धनमा चल्ने सवारी साधनको बजार हिस्सा ५१ प्रतिशत हुनेछ ।

एलिक्स पार्टनर्स नामको व्यवस्थापन परामर्शदाता कम्पनीले आफ्नो २०२३ ग्लोबल अटोमोटिभ आउटलुक रिपोर्टमा यो सेयर २०३० सम्ममा ६५ प्रतिशत पुग्ने प्रक्षेपण गरेको छ ।

निर्यातको पनि च्याम्पियन

युरोपका बारेमा रिपोर्टहरूले अनुमान गरेका छन त्यहाँ कारको बिक्री पूर्व-महामारी स्तर भन्दा लगभग १५ प्रतिशत कम हुनेछ । युरोपेली उत्पादकहरूले पनि आफ्नो घरेलु बजारमा चिनियाँ विद्युतीय सवारी निर्माताहरूबाट थप प्रतिस्पर्धाको सामना गर्नेछन्। सन् २०२३ को पहिलो त्रैमासिकमा चीनले जापानलाई उछिन्दै विश्वमा अटोमोटिभ निर्यातको क्षेत्रमा पछाडि छोडिसकेको छ । २०२० मा चिन छैटौं नम्बरमा थियो ।

चीन अहिले कारको बिक्री बजार, निर्यातक र उत्पादनस्थलका रूपमा अगाडि बढिरहेको छ। भनिन्छ चीनको कार संसारमा महाशक्ति बन्ने बाटोमा छ । युरोपेली कार निर्माताहरूले आफ्नो घरेलु बजारलाई मात्र जोगाउने प्रयास गरिरहेका छन् ।
स्रोत : एजेन्सी