धनी देश घुम्ने कि ?

केही दिनअघि विश्वका धनी देशहरुको सूची सार्वजनिक भएको थियो । जसमा संयुक्त राज्य अमेरिका पहिलो स्थानमा छ, त्यसपछि चीन, जापान र जर्मनी छन् । के तपाईं यी धनी देश घुम्न चाहनुहुन्छ ? हेरौं सूचीका उत्कृष्ट ४ मा परेका देशको पर्यटिकय जानकारी :

अमेरिकामा घुम्नका लागि धेरै मोहक ठाउँहरू छन गोल्डेन गेट ब्रिजदेखि स्ट्याच्यू अफ लिबर्टीसम्म । अमेरिका सबै प्रकारका तस्बिर प्रेमीहरूका लागि आकर्षणको केन्द्र हो । यहाँ केही रोचक ठाउँहरू छन् जुन विचित्र अनि सुन्दर छन् । अचम्मका जीवहरूदेखि लिएर मोतिक‍ो बिशाल महलसम्म अमेरिकामा हेर्नका लागि अद्वितीय असाधारण दृश्यहरूको कुनै कमी छैन।

चीनमा धेरै पर्यटकीय स्थलहरू छन् । चीन लामो र समृद्ध इतिहास भएको विशाल देश हो । चिन सांस्कृतिक पर्यटकहरूका लागि आदर्श गन्तव्य हो ।चीनका थुप्रै पर्यटकीय गन्तव्य विश्व सम्पदा सुचिमा समावेश छन्, जस्तै चीनको ग्रेट वाल, टेम्पल अफ हेभ, फोर्बिडन सिटी, शाओलिन मन्दिर आदि। यी स्थानहरू ऐतिहासिक र सांस्कृतिक महत्त्वका साथसाथै चिनियाँ संस्कृतिको अनुपम भाग हुन् ।

जापानमा घुम्न लायक धेरै ठाउँ छन् विश्वका धनी देशको सूचीमा जापान तेस्रो नम्बरमा छ । सन् १९४५ मा परमाणु बम हमलाको शिकार भएको जापान अहिले निकै शान्त र सुन्दर देश बनेको छ । अमेरिकाले हिरोसिमामा परमाणु बम खसालेको ठाउँमा अहिले एउटा स्मारक बनाइएको छ । जापानी खाना सुशी मात्र होइन, माउन्ट फुजी चढ्ने प्रयास गर्न वा चेरी-ब्लसम सिजनको प्राकृतिक सौन्दर्यको लिन चाहनेहरुका लागि पनि जापान उत्तम गन्तव्य हो।

संसारको अर्को सर्वाधिक धनी देश जर्मनी हो । युरोपको मुटुमा रहेको जर्मनीले आज महादेशको सबैभन्दा शक्तिशाली अर्थतन्त्र कायम राखेको छ । यद्यपि यो यसको दोस्रो विश्वयुद्धको इतिहास र देशको हालसालैका समयका लागि परिचित छ जब यसलाई पूर्व र पश्चिममा विभाजित गरिएको थियो । बर्लिनको पर्खालका बारेमा सबैलाई थाहा छ जुन ३० वर्षभन्दा कम समय पहिले ढलेको थियो । यो ठूलो युरोपेली राष्ट्रमा हेर्नका लागि संस्कृति, प्राकृतिक सौन्दर्य र इतिहास सबैथोक छ ।