‘जीवनमा निर्णय गर्न डराउँदा’

काठमाडाैं । निर्णय लिनु मानिसको जीवनको त्यो महत्त्वपूर्ण भाग हो, जहाँ उसले अधिकतम चेतनाको प्रयोग गर्छ । किनभने उसलाई थाहा छ कि यो निर्णय लिन सजिलो छ, तर दिमागमा त्यसको परिणामका बारेमा धेरै आशंकाहरू छन् । यहि डरका कारण मानिसहरु निर्णय गर्ने महत्वपूर्ण विषयलाई छोडेर अन्य कुरामा अल्झिन्छन् ।

जब हामी निर्णय लिन्छौं तब धेरै कारकहरूले हाम्रो निर्णयमा प्रभाव पार्छन र यसमा एउटा महत्त्वपूर्ण कारक हाम्रो मनमा भएको डर हो । निर्णय लिँदा हामी सधैँ डरमा हुन्छौं किनभने हाम्रो निर्णय गलत हुन सक्छ । निर्णय गर्दा सामान्य मानिस डराउनु स्वभाविक हो तर डरले सधै हाम्रो निर्णयको गुणस्तर विगार्छ भन्ने कुरा बिर्सनु हुँदैन ।

जब हामी कुनै निर्णय लिन्छौं हामी त्यसका बारेमा पूर्ण रूपमा सोचविचार गर्छौ र त्यसलाई सही रूपमा कार्यान्वयन गर्न चाहन्छौं । यद्यपि जब हामी निर्णय प्रक्रियामा जान्छौं तब त्यहाँ डरको प्रवेश हुन्छ र हामि नर्भस हुन्छौं । त्यसपछि हाम्रो शक्ति जसलाई हाम्रो निर्णय सही छ भनेर थाहा छ त्यसलाई प्रभावित गर्दछ । यतिबेला हामि भ्रमित हुन्छौं र डरकै कारण धेरै पटक सही निर्णयको सट्टा गलत निर्णय लिन पुग्छौं ।

हामी किन निर्णय लिँदैछौ भन्ने उद्देश्यलाई बिर्सिएर त्यसबाट हुने नतिजाका बारेमा धेरै सोच्न थाल्यौं भने निर्णय लिने उद्देश्य पूरा हुँदैन र यसको महत्व पनि समाप्त हुन्छ । निर्णय लिँदा हाम्रो दिमागमा एउटै सोच हुनुपर्छ कि तपाईंले यो निर्णय किन लिनुभएको छ, मेरो निर्णय गलत हुन सक्छ भन्ने डर होइन ।

यदि अदालतका न्यायाधीशलाई आफ्नो निर्णयमा शंका भयो भने उसले कहिल्यै सही निर्णय लिन सक्दैन, जबकि उसको निर्णयले धेरैको जीवनलाई असर गर्छ र गलत निर्णयले कसैको जीवन बर्बाद समेत गर्न सक्छ ।

यद्यपि उसले साहसपूर्वक निर्णय लिन्छ। उसलाई थाहा छ कि उसले जसरी पनि निर्णय लिनु पर्छ, त्यसैले उसले सही उद्देश्यका लागि निर्णय लिइरहेको छ कि छैन भनेर मात्र सोच्दछ। निर्णय लिँदा यो कुरा पनि दिमागमा राख्नुपर्छ तब मात्र राम्रो निर्णय लिन सकिन्छ ।

कतिपय अवस्थामा लामो मन्थन पछि सही निर्णय लिइए पनि त्यो गलत सावित हुन्छ र कहिलेकाहीँ गलत निर्णय पनि सही हुन्छ । त्यसैले नतिजाको बारेमा सोच्नु भन्दा निर्णयको उद्देश्यका बारेमा सोच्नु राम्रो हो ।