इजरायल आक्रमणमा ज्यान गुमाएकाको परिवारलाई सुदूरपश्चिम सरकारले दुई लाख दिने

काठमाडौं । इजरायलमा विद्रोही समूह हमासको आक्रमणमा परि मृत्यु भएका विद्यार्थीका परिवारलाई सुदूरपश्चिम प्रदेश सरकारले दुई लाख रूपैयाँ राहत उपलब्ध गराउने भएको छ ।

मुख्यमन्त्री कमलबहादुर शाहले आक्रमणमा मृत्यु भएका सुदूरपश्चिमका विद्यार्थीको परिवारलाई राहत स्वरूप दुई लाख रूपैयाँ उपलब्ध गराउने घोषणा गरेका हुन् । 

शाहले तत्काल शव नेपाल ल्याउन र घाइतेको उपचार तथा उद्धार र सुरक्षित स्थानमा स्थानान्तरण गर्न संघीय सरकारलाई आग्रह गरेका छन् ।