एमाले जुम्लाका उपाध्यक्ष बिरुद्ध बालयौन दुर्व्यवहारको आरोप

नेकपा एमाले जुम्लाका उपाध्यक्ष सुरतबहादुर शाहीविरुद्ध बालयौन दुर्व्यवहारको आरोपमा जाहेरी दर्ता भएको छ ।

१७ वर्षीया किशोरीलाई यौन प्रस्ताव गरेको आरोपमा शाहीविरुद्व जाहेरी दर्ता गरिएको हो । उनिमाथि बालबालिका विरुद्धको कसुर गरेको भन्दै मंगलबार जिल्ला प्रहरी कार्यालय जुम्लामा जाहेरी दर्ता भएको छ ।

नेता शाहीले तातोपानीकी एक किशोरीलाई यौनका लागि प्रस्ताव गरेको, फकाएको र प्रलोभनमा पार्ने गरी फोन गरेको अडियो सार्वजनिक भएको थियो ।  पीडित किशोरीका बुबाले बालबालिका सम्बन्धी ऐन २०७५ को दफा ६६ बमोजिम जाहेरी दिएको जुम्लाका डिएसपी प्रह्लाद कार्कीले जानकारी दिएका छन् ।