कोभिड–१९ विरुद्धको खोपको बिक्रीमा भारी गिरावटपछि फाइजर घाटामा

न्युयोर्क । कोभिड–१९ विरुद्धको खोपको बिक्रीका साथै महामारीको उच्च अवस्थामा उपचारात्मक औषधिका कारण आउने गरेको आम्दानीमा गिरावटपछि कम्पनी घाटामा गएको मङ्गलबार फाइजरले जानकारी दिएको छ ।

औषधि निर्माता कम्पनीले तेस्रो त्रैमासिकमा २.४ अर्ब अमेरिकी डलरघाटा व्यहोरेको छ, जुन अघिल्लो वर्षको सोही अवधिमा ८.६ अर्ब डलर रहेको थियो ।

कोभिड–१९ थेराप्युटिक प्याक्सलोभिड र भ्याक्सिन कोमिरनेटीमा ५.६ अर्ब डलरको इन्भेन्ट्री राइट–डाउनका कारण नतिजा मापन गरिएको थियो ।

फाइजरले अक्टोबर १३ मा कोभिड–१९ को दरमा आएको गिरावटका कारण कम्पनीको राजस्वमा आएको भारी गिरावटका कारण आफ्नो पूर्वानुमान घटाएपछि यो नतिजा आएको हो । तेस्रो त्रैमासिकमा कम्पनीको आम्दानी ४२ प्रतिशतले घटेर १३ अर्ब २० करोड डलरमा झरेको छ ।

तर तेस्रो त्रैमासिकमा गैर–कोभिड उत्पादनमा ठोस वृद्धि पछि फाइजरले कम्पनीले नयाँ औषधिहरूको हालैको सरकारको स्वीकृतिका कारण सन् २०२३ को लक्ष्य हासिल गर्ने बाटोमा रहेको बताएको छ। फाइजरले सन् २०२४ सम्ममा वार्षिक ३.५ अर्ब अमेरिकी डलर बचत गर्ने गर ि‘मूल्य समायोजन’ कार्यक्रमको बीचमा रहेको बताएको छ ।

फाइजरका अनुसार कम्पनीले यस वर्ष कुनै पनि शेयर पुनः खरीद गरेको छैन र चौथो त्रैमासिकमा कुनै शेयर खरीदको अपेक्षा पनि गरिएको छैन । ‘प्रि–मार्केट ट्रेडिङ’मा फाइजरको सेयर ०.१ प्रतिशतले बढेको छ ।