ग्रिसमा २०० नेपाली अलपत्र

काठमाडौं । विभिन्न कारणले ग्रिस पुगेका दुई सय नेपाली अलपत्र परेका छन् ।

राजधानी एथेन्समा रहेका उनीहरुमध्ये कतिपयसँग राहदानी छैन भने कतिपयको म्याद सकिन लागेको त्यहाँबाट चमारसिंह तामाङले बताए । उनले भने, ‘मेरो हकमा राहदानी छ, तर डेट सकिन लागेको छ ।’

एथेन्समा रोमानिया, सर्बिया, साइप्रस लगायतका देशबाट भागेका आएका नेपाली नागरिकहरु अलपत्र रहेको उनले बताए । उनले भने, ‘यहाँ नेपालको दूतावास पनि नहुँदा समस्या भएको हो ।’

अष्ट्रियास्थित नेपाली दूतावासले ग्रिसको पनि हेरिरहेको भएपनि सरकारको निर्देशनबिना आफूहरु आउन सम्भव नहुने जवाफ पाएको तामाङले बताए । ‘उद्दार गरिदिन भन्दै सबैलाई आग्रह गरिरहेका छौं’, उनले भने ।