हेर्ने कथा : प्रकाश तामाङलाई नागरिकता दिलाउन प्रधानमन्त्रीको पहल

काठमाडौं । प्रधानमन्त्री केपी शर्मा ओलीले प्रकाश तामाङको नागरिकता छिट्टै बनाउन सहजीकरण गर्न गृहसचिव एकनारायण अर्याललाई निर्देशन दिएका छन् । मंगलबार राति बालुवाटारमा गृहसचिवलाई बोलाएर प्रधानमन्त्रीले नागरिकता प्रक्रिया छिटो पूरा गर्न आग्रह गरेका हुन् ।

प्रधानमन्त्री ओलीले सामाजिक सञ्जालमार्फत प्रकाशलाई टेलिफोन गरी नागरिकता उनको पहिलो प्राथमिकता भएको थाहा पाएपछि तत्काल गृहसचिवलाई बोलाएर पहल गर्न भनेको जानकारी दिएका छन् ।

गृहसचिव अर्यालले पनि तीन–चार दिनभित्रै प्रकाशलाई नागरिकता दिलाउने गरी सहजीकरण गर्ने बताएको प्रधानमन्त्री ओलीले उल्लेख गरेका छन् ।

हेर्ने कथाको टिमले प्रकाशलाई उनको परिवारसँग पुनर्मिलन गराएको थियो, जसपछि नागरिकता प्रक्रिया अगाडि बढाउने कार्यमा सरकारले चासो देखाएको छ ।