सिड्नीको नयाँ मेट्रो लाइन सामाजिक सञ्जालमा हिट 

काठमाडाैं । अगस्ट महिनामा सिड्नी मेट्रो लाइन खुलेपछि य‍‍ो युवाहरूको मन परेको गन्तव्य बनेको छ । सामाजिक सञ्जालमा यसका हजारौँ भिडियो तथा तस्बिर पोस्ट भएका छन् । 

युवाहरूले मेट्रो स्टेसन मन पराए 

१५ बिलियन डलर लागतको सिड्नी मेट्रो लाइनले सहरका धेरै युवाहरूलाई आकर्षित गरेको छ। मेट्रो स्टेसन आजको समय अनुसार डिजाइन गरिएको छ। सामाजिक सञ्जाल पुस्ताले यो नयाँ स्टेसनको आनन्द उठाइरहेको छ । 

स्टेसनमा डान्स र मस्ती

मेट्रो स्टेसन आएका युवाहरू अहिले सिड्नी मेट्रोको प्रतीक लाई समातेर डान्स गरिरहेका छन् भने उनीहरूले सामाजिक सञ्जालमा त्यस्ता भिडियो र तस्बिर पोस्ट समेत गर्छन् । यो मेट्रो स्टेसनमा बनाइएको एक टिकटक भिडियो अहिलेसम्म ६ लाख पटक हेरिएको छ । 

नयाँ युगको स्टेसन 

नयाँ स्टेसन पुरानो स्टेसन भन्दा उज्यालो छ । यहाँ चालकविहीन रेलहरू कुद्छन् भने यसको कम्प्लेक्स पनि धेरै ठुलो  छ। यहाँबाट दैनिक आवतजावत गर्ने हजारौँ मानिसहरूका लागि यो पनि एउटा उत्साहको कारण हो । 

यात्राका लागि मात्र होइन 

सिड्नी सेन्ट्रलको डिजाइनको नेतृत्व गर्ने वास्तुकला तथा डिजाइन फर्म वुड्स ब्याङ्गोटका जोन प्रेन्टिस भन्छन्, “यो सिड्नीले अहिलेसम्म अनुभव नगरेको कुरा हो , यसलाई तयार हुन पनि धेरै समय लाग्यो ।”

यसलाई डिजाइन गर्ने मानिसहरू यसको तुलना संसारका सुन्दर स्टेसनहरू सँग होस भन्ने चाहन्थे। यसको विशेषता र सौन्दर्यलाई यसै आधारमा डिजाइन गरिएको हो । यो मेट्रो स्टेसन भित्र पस्ने गेटमा ठुला–ठुला आकृति देखिन्छन् । यसको एउटा भित्तामा अस्ट्रेलियाका ७५ मूल निवासीको करिब एक हजार खुट्टाको छाप पनि राखिएको छ ।