श्रीलंकामा बस दुर्घटना, तीनको मृत्यु, २० भन्दा बढी घाइते

काठमाडौं । श्रीलंकाको मध्य प्रान्तको ह्याटन-क्यान्डी मुख्य सडकमा रहेको मल्लवामा शनिबार एउटा यात्रुवाहक बस खाल्डोमा खस्दा तीन जनाको मृत्यु हुनुको साथै अन्य २० जना घाइते भएको प्रहरीले जनाएको छ ।

घटनाको समयमा बसमा २५ यात्रु सवार थिए र सबै यात्रु घाइते भएको स्थानीय प्रहरीले जनाएको छ ।

घाइते तीन जनाको अस्पतालमा मृत्यु भएको प्रहरीले पुष्टि गरेको छ भने बाँकी यात्रुको क्षेत्रीय अस्पतालमा उपचार भइरहेको छ ।

मोटर सवारी दुर्घटना श्रीलंकामा बारम्बार हुने घटना हुन् । आधिकारिक तथ्यांकअनुसार यस वर्ष जनवरी १ र अक्टोबर २५ बीच सडक दुर्घटनामा लगभग दुई हजार मानिसको मृत्यु भएको छ ।