फूलचोकी जंगलमा हराएका १३ वायुवती भेटिए

काठमाडौं । ललितपुरको फूलचोकी जंगलभित्र हराएका १३ जना युवायुवती फेला छन् ।

प्रहरी प्रभाग बाणेगाउँकी इन्स्पेक्टर अस्मिता कपालीको कमाण्डमा खोजी कार्यका निम्ति त्यहाँ पुगेको प्रहरी टोलीले उनीहरूलाई जंगलभित्रैबाट उद्दार गरेको हो । फेला पर्नेमा १० पुरुष र ३ महिला रहेको जिल्ला प्रहरी परिसरका एसपी नवरत्न पौडेलले बताए ।

घुम्न गएका बेला बाटो भुलेर जंगलमा हराएका उनीहरू सोमबार रातितिर प्रहरीको सम्पर्कमा आएको एसपी पौडेलले जनाकारी दिए ।

अहिले उनीहरूलाई बाणेगाउँ प्रहरी प्रभागमा आरामका निम्ति लगिएको र आफन्तको जिम्मामा घर पठाइने पौडेलले बताए ।