सुप्रिम सहकारी ठगी प्रकरण : रवि छामिछानेको तेस्रो दिनको थुनछेक बहस जारी

काठमाडाैं । रुपन्देही अदालतमा राष्ट्रिय स्वतन्त्र पार्टी (रास्वपा)का सभापति रवि लामिछानेको तेस्रो दिनको थुनछेक बहस सुरु भएको छ ।

शुक्रबार रवि पक्षका तिनजना वकिलले बहस गरेका थिए ।

बाँकी रहेको बहस आज सुरु भएको हाे । रविका तर्फबाट वरिष्ठ अधिवक्ता रमण श्रेष्ठले बहस गरिरहेका छन् ।

आज वरिष्ठ अधिवक्ता पशुपति भण्डारी, नारायणदत्त कँडेल, सुरज बस्नेत, सुनिता राउत, राजेन्द्र सेढाईसहितका कानुन व्यवसायीले बहस गर्नेछन् ।

सुप्रिम सहकारी ठगी प्रकरणको बयानका लागि लामिछाने गत बुधबार रुपन्देही जिल्ला अदालतमा उपस्थित भएका थिए ।

रविमाथि बुटवलको सुप्रिम सहकारीको रकम संगठित रूपमा ठगी गरेको अभियोग लागेको छ ।