स्मार्ट ईभी निर्माता एक्स्पेङ २०२५ मा ९ अर्ब युआनको लगानी गर्ने योजना

प्रमुख चिनियाँ स्मार्ट इलेक्ट्रिक भेहिकल (एव्) निर्माता एक्स्पेङ मोटर्सले आगामी २०२५ मा अनुसन्धान र विकासमा ९ अर्ब युआन भन्दा बढी लगानी गर्ने योजना घोषणा गरेको छ । यस लगानीको मुख्य उद्देश्य आफ्नै सेमिकन्डक्टर चिपहरूको विकास र उत्पादनमा केन्द्रित हुनेछ । चिप उत्पादनलाई स्वदेशी बनाउँदै कम्पनीले आफ्नो आपूर्ति श्रृंखला अनुकूलन गर्ने, सवारी साधनको प्रदर्शन सुधार गर्ने र स्मार्ट ड्राइभिङ प्रविधिमा नेतृत्वलाई मजबुत बनाउन चाहन्छ।

कम्पनीले उच्च-प्रदर्शन क्षमतायुक्त ट्यूरिङ चिपको व्यापक उत्पादन गर्ने योजना बनाएको छ, जुन गाडी, उड्ने सवारी साधन र रोबोटहरूमा लागू गर्न सकिन्छ । साथै, एक्स्पेङले एल ३ स्तरको सेल्फ ड्राइभिङ क्षमता आफ्ना सवारी साधनहरूमा समावेश गर्ने योजना बनाएको छ । यस प्रविधिले चालक सहायता प्रणालीलाई सुधार गर्ने, सडक सुरक्षालाई वृद्धि गर्ने र स्मार्ट यातायातमा एक्स्पेङलाई अग्रिम श्रेणिमा स्थापित गर्ने लक्ष्य राखिएको छ ।

एक्स्पेङले आफ्नो अन्तर्राष्ट्रिय उपस्थिति विस्तार गर्दै २०२४ मा १९०,०६८ वटा गाडी बिक्री गरेको छ र हालै फिनल्यान्ड बजारमा पनि प्रवेश गरेको छ । कम्पनीले २०२५ मा ६० भन्दा बढी देशहरूमा विस्तार गर्ने योजना बनाएको छ, जसले यसको विश्वव्यापी उपस्थिति अझ बलियो बनाउनेछ ।

यो कदमले एक्स्पेङलाई आगामी वर्षहरूमा स्मार्ट ईभी उद्योगमा प्रमुख स्थानमा राख्नेछ।