दराज नेपालद्वारा ‘नव वर्ष उत्सव’ २०८२ को घोषणा

काठमाडौं । नेपालकै अग्रणी अनलाइन किनमेल प्लेटफर्म दराज नेपालले बहुप्रतिक्षित ४.४, नव वर्ष उत्सवको घोषणा गरेको छ । ७० प्रतिशतसम्म छुट सहितको आश्चर्यजनक फ्ल्याश सेल, रु. १ करोड बराबरको भौचर तथा निःशुल्क डेलिभरी सुविधा सहित, ४.४ सेल अप्रिल ४ (चैत २२, २०८१) बाट सुरु भई अप्रिल १३ (चैत ३१, २०८१) सम्म सञ्चालन हुने कम्पनीले जानकारी दिएको छ । सेलले नेपाली ग्राहकलाई रोमाञ्चक किनमेलको नयाँ अनुभव प्रदान गर्ने कम्पनीको विश्वास छ ।

उत्सव अवधि भर, ग्राहकले हरेक दिन फ्ल्याश सेलमार्फत विभिन्न क्याटेगरी तथा सेटाफिल, मसलब्लेज, एईवीबी, ह्रोटो, माइक्रोलाइफ, एक्स-एज, ब्ल्याकशार्क लगायत साझेदार ब्रान्डमार्फत ७० प्रतिशतसम्मको छुटमा उत्पादन किन्न पाउनुहुनेछ । सिमित अवधिका लागि मात्र उपलब्ध हुने यी अफर हरेक दिन अपडेट गरिने भएकाले ग्राहकलाई दराज एपको फ्ल्याश सेल सेक्शन विशेषरुपमा नियाल्दै मौकाको फाइदा उठाउन कम्पनीले अनुरोध गरेको छ ।

४.४ सेल अवधि भर डिजिटल पूर्वभुक्तानीमा दराजले उपभोक्ताहरुका लागि रु. ७५० सम्मको छुट सुविा उपलब्ध गराउने छ । यसका लागि दराजले नबिल बैंक, हिमालयन बैंक, स्ट्यान्डर्ड चार्टर्ड बैंक, सिटिजन्स बैंक, नेपाल बैंक, नेपाल एसबीआई बैंक, ज्योति विकास बैंक, महालक्ष्मी विकास बैंक, तथा गरिमा विकास बैंक गरी नौ ओटा बैंकसँग सहकार्य गरेको छ ।

किनमेलका लागि यी बैंकको क्रेडिट कार्ड प्रयोग गर्ने ग्राहकले अधिकतम १५% (रु. ७५० सम्म) छुटपनि प्राप्त गर्न सक्नुहुनेछ । त्यसैगरी, डेबिट कार्ड प्रयोग गर्नुहुने ग्राहकले १०% (रु. ५०० सम्म) छुट प्राप्त गर्न सक्ने छन् । यसैगरी, ग्राहकका लागि रु. ४४, रु. ४४४, र रु. ४,४४४ को आकर्षक डिल पनि उपलब्ध हुने दराजले विज्ञप्ति मार्फत जानकारी दिएको छ ।

साथै, रु. ९९, रु. ३९९, रु. ९९९, र रु. १,९९९ को छुट श्रेणीमा पनि विभिन्न उत्पादन खरिद गर्न पाउनु हुनेछ । ४.४ नव वर्ष उत्सवको अवधि भर, कम्तीमा रु. ५,००० बराबरको किनमेल गर्ने एक भाग्यशाली ग्राहकले रु. २९,९९९ बराबरको वानप्लस नर्ड सीईएस लाइट जित्ने अवसर पाउनुहुनेछ । त्यस्त गरी, चारजना भाग्यशाली ग्राहकले रु. १०,३०० बराबरको यासुदा पर्सनल एयर कुलर जित्ने अवसर प्राप्त गर्नुहुने कम्पनीले जानकारी दिएको छ ।

४.४ नव बर्ष उत्सवका अवसरमा ‘एड टु कार्ट एण्ड विन’ योजनाअन्तर्गत सेटाफिल, याजी, जीसीजी आइवेयर र उकुलेलेका रु. ५,००० बराबरका गिफ्ट ह्याम्पर तीनजना भाग्यशाली ग्राहकले जित्नु हुनेछन् भने, एकजना ग्राहकले रु. १२,००० बराबरको ग्लेन एयर फ्रायर प्राप्त गर्नु हुनेछ । यस योजनामा सहभागी हुनका लागि ग्राहकले चैत १७ देखि चैत २१ (मार्च ३०- अप्रिल ३) भित्र रु. १०,००० बराबरका सामान कार्टमा राख्नुपर्नेछ । त्यस्तै, रु. १,००,००० भन्दा बढीको किनमेल गर्ने ग्राहकले रु. १०,००० सम्मको विशेष छुट भौचर प्राप्त गर्न सक्नुहुेनेछ । यो अवसर अप्रिल ४ को मध्यरातदेखि उपलब्ध हुने कम्पनीले बताएको छ ।

दराज समूहबारे जानकारी
सन् २०१५ मा स्थापित दराज, दक्षिण एसियाकै अग्रणी ई–कमर्स प्लेटफर्म हो । यसले पाकिस्तान, बंगलादेश, श्रीलंका, नेपाल, र म्यानमारमा आफ्नो सेवा उपलब्ध गराउँदै आइरहेको छ । ५० करोड भन्दा बढी मानिसको बजार लक्षित गर्दै, दराजले अत्याधुनिक मार्केटप्लेस प्रविधि प्रदान गर्दै आइरहेको छ । ई–कमर्स, लजिस्टिक्स, भुक्तानी सेवा, तथा वित्तिय सेवा एकीकृत गर्दै, दराजले ग्राहकलाई उत्कृष्ट किनमेल अनुभव प्रदान गर्दै, दक्षिण एसियाली समुदायलाई व्यापारमार्फत सशक्त बनाउने लक्ष्य बोकेको छ ।