नयाँ वर्षमा गायिका रचना रिमालले द क्लिफ तताउने

काठमाडौं । साहसिक पर्यटनका लागि प्रमुख गन्तव्य बन्दै गएको कुश्मास्थित द क्लिफमा नयाँ वर्षको अवसरमा गायिका रचना रिमाल सांगीतिक प्रस्तुति दिने भएकी छन् । नयाँ वर्ष मनाउन क्लिफ पुग्नेहरुले रिमालको सांगीतिक प्रस्तुतिसँगै रमाउन पाउने भएको द क्लिफका अध्यक्ष राजु कार्कीले जानकारी दिए ।

नयाँ वर्षको अवसरमा क्लिफले क्याफे, मेगाट्रोलमा २० प्रतिशत छुट उपलब्ध गराइएको छ भने रिसोर्टमा रुम बुक गर्दा एउटा मिन साहसिक पर्यटकीय गतिविधि निःशुल्क उपलब्ध गराइएको छ ।

साथै गायिका रिमालले पनि सामाजिक सञ्जालमार्फत नयाँ वर्षको अघिल्लो दिन अर्थात् यही चैत ३१ गते आफूले क्लिफमा प्रस्तुति दिन लागेको जानकारी दिँदै कार्यक्रममा सहभागी हुन आग्रह समेत गरेकी छन् । रिमाल पछिल्लो समय चर्चित कलाकारहरु मध्येमा पर्छिन् ।

विश्वकै दोस्रो अग्लो बञ्जी जम्प, स्वीङ, स्काइ साइकलिङ र मेगाट्रोललगायतका साहसिक पर्यटकीय गतिविधिका साथै द क्लिफले सुविधासम्पन्न रिसोर्टको सुविधा पनि उपलब्ध गराइरहेको छ । द क्लिफमा कालीगण्डकी नदीको मनोरम दृश्य हेर्दै विभिन्न साहसिक पर्यटकीय गतिविधि गर्न सकिन्छ ।