पाकिस्तान र इरानबाट तीन हजारभन्दा बढी अफगान परिवार स्वदेश फर्किए

काबुल । अफगानिस्तानको उच्च आयोगले जानकारी दिएको अनुसार पछिल्लो पाँच दिनको अवधिमा पाकिस्तान तथा इरानबाट तीन हजार ३१९ अफगान परिवार अर्थात १८ हजार ६४० जना नागरिकहरू स्वदेश फर्किएका छन् ।

उनहरू पूर्वी नान्गारहार प्रान्तको तोर्खम, दक्षिणी कान्धारको स्पिन बोल्दाक, पश्चिमी हेरातको इस्लाम कला, पश्चिमी निमरोजको अब्रिशम तथा दक्षिणी हेलमन्द प्रान्तको बह्रमचा सीमाबाट अफगानिस्तान प्रवेश गरेका हुन् ।

उक्त आयोगद्वारा उनीहरूलाई अस्थायी आवास, भोजन, पिउने पानी, आधारभूत स्वास्थ्य सेवा तथा आफ्नो प्रान्तसम्म पुग्न यातायात सुविधा उपलब्ध गराइएको जानकारी गराइएको छ ।

हाल करिब सात लाख अफगान शरणार्थीहरू विदेशमा बसोबास गरिरहनुभएको छ, जसमा अधिकांश अवैध रूपमा इरान र पाकिस्तानमा रहेका व्यक्तिहरू हुन् ।

पाकिस्तान र इरानका सम्बन्धित अधिकारीहरूले गैरकानुनी रूपमा बसोबास गरिरहनुभएका विदेशी नागरिकहरूलाई स्वदेश फर्कन अनुरोध गरेका छन् । -रासस/सिन्ह्वा