गाजा : इजरायली हवाई आक्रमणमा एक डाक्टरका नौ सन्तानको मृत्यु

काठमाडाैं । गाजाको खान युनिसस्थित नस्र अस्पतालले इजरायली हवाई आक्रमणमा आफ्ना एक डाक्टरका १० मध्ये नौ बालबालिकाको मृत्यु भएको बताएको छ । नस्र अस्पतालले भनेको छ कि डा. अल्ला अल-नज्जरको घरमा इजरायली हवाई आक्रमणमा उनका छोरा र श्रीमान घाइते भएका छन् ।

हमासद्वारा सञ्चालित स्वास्थ्य मन्त्रालयका निर्देशकले साझा गरेको र बीबीसीले प्रमाणित गरेको भिडियोमा शुक्रबार खान युनिसमा भएको आक्रमणपछि भग्नावशेषबाट शवहरू निकालिएको देखिन्छ ।

यस विषयमा टिप्पणीको लागि बीबीसीले इजरायली सेनालाई सम्पर्क गरेको छ । शनिबार एक विज्ञप्तिमा, इजरायली रक्षा बल (IDF) ले विगत २४ घण्टामा गाजामा १०० भन्दा बढी निशानाहरूमा आक्रमण गरेको बताएको छ । बीबीसी