दुईपटक ओलम्पिक च्याम्पियन लौरा डालमायरको पाकिस्तानमा पर्वतारोहणको क्रममा मृत्यु

काठमाडाैं । दुई पटककी ओलम्पिक च्याम्पियन लौरा डालमायरको पाकिस्तानमा पर्वतारोहण अभियानको क्रममा मृत्यु भएकाे छ । सोमबार काराकोरम पहाडमा आरोहण अभियानको क्रममा जर्मन निवासी लौरा डालमायर ढुङ्गामुनि फसेकी थिइन् ।

लगभग १८,७०० फिटको उचाइमा भएको दुर्घटनापछि उनकी पर्वतारोहण साथी मारिना इभाले आपतकालीन सेवाहरूलाई जानकारी गराएकी थिइन् ।

यसपछि, जर्मनी र अमेरिकाका विशेषज्ञ पर्वतारोहीहरू सम्मिलित उद्धार टोलीले तुरुन्तै उद्धार कार्य सुरु गर्यो, तर प्रतिकूल मौसमका कारण उनीहरूको खोजीमा बाधा पुगेको थियो । बीबीसी