नवनियुक्त ३२औँ आईजीपी खापुङले लगाए दर्ज्यानी चिह्न

काठमाडौं । नवनियुक्त प्रहरी महानिरीक्षक चन्द्रकुवेर खापुङले दर्ज्यानी चिह्न लगाएका छन् ।

गृह मन्त्रालयका सचिव गोकर्णमणि दुवाडीले नवनियुक्त ३२औँ आईजीपी खापुङलालाई बिहीबार गृह मन्त्रालयमा आयोजित समारोहमा दर्ज्यानी चिह्न लगाइ दिएका हुन् । भदौ १३ गते बसेको मन्त्रिपरिषद्ले उनलाई ३२औँ महानिरीक्षक नियुक्त गरेको थियो ।

अहिलेको प्रहरी ऐन र नियमावलीअनुसार नवनियुक्त प्रहरी महानिरीक्षक खापुङ छोटो समय मात्र पदमा रहन्छन् । संसदमा छलफलमा रहेको प्रहरी विधेयक पारित नभएको अवस्थामा उनले २ महिना ७ दिन मात्र प्रहरीको कमान्ड समाल्ने छन् ।

खापुङ २०५२ कार्तिक २७ मा प्रहरी निरीक्षक पदमा नियुक्त भएका थिए । प्रहरीमा विद्यमान ३० वर्षे सेवा अवधि पुरा गरेर उनी आगामी कार्तिक २६ मा अवकाशमा जान्छन्