अफगानिस्तान र पाकिस्तानबीचको युद्धविराम अवधि शुक्रबार समाप्त

काबुल । अफगानिस्तान र पाकिस्तानबीचको ४८ घण्टे लामो युद्धविराम शुक्रबार साँझ समाप्त भएको छ। अफगानिस्तानको राजधानी काबुलमा पनि झडप सुरु भएयता दुवै पक्षका दर्जनौँ सैनिक र सर्वसाधारणको मृत्यु भइसकेको छ । बुधबार घोषणा गरिएको युद्धविरामको अवधि स्थानीय समय अनुसार शुक्रबार साँझ छ बजे देखि सकिएको छ।

अधिकारीहरूले युद्धविराम सकिएपछि के हुन्छ भन्नेबारे केही बताएका छैनन् । युद्धविराम कायम रहेको देखिएको शुक्रबार बिहानै सीमा नजिकैका बासिन्दाहरूले बताएका थिए। सबै कुरा ठीक छ, अफगानिस्तानको सीमावर्ती शहर स्पिन बोल्दाकका बासिन्दा ३५ वर्षीय नानीले भने । उनले भने, म डराउँदिनँ, तर सबैले परिस्थितिलाई फरक तरिकाले हेर्छन्। केहीले द्वन्द्वको सम्भावना कायमै रहेको भन्दै आफ्ना बच्चाहरूलाई अन्यत्र पठाउने बताएका देखिन्छ ।

नानीले भने, मेरो विचारमा अहिले स्थिति राम्रो छैन, तर केही अप्रिय घटना भइहाल्ने सम्भावना पनि छैन। आफ्नो तर्फबाट युद्धविराम सहमतिलाई उल्लङ्घन नगरिने अफगानिस्तानले युद्धविरामको ४८ घण्टाको सीमा रहेको पुष्टि नगरिकन बुधबार भनेको थियो। पाकिस्तानका प्रधानमन्त्री शहबाज सरिफले बिहीबार युद्धविरामका लागि बल तालिवान सरकारको कोर्टमा रहेको बताएका छन्।

यदि ४८ घण्टाभित्र उनीहरू समस्याहरू समाधान गर्न चाहन्छन् र हाम्रा जायज मागहरू सम्बोधन गर्न चाहन्छन् भने हामी त्यसका लागि तयार छाैँ, शरीफले आफ्नो मन्त्री परिषद् बैठकमा बताएको पाकिस्तानी सञ्चारमाध्यमले जनाएका छन् । पाकिस्तानको विदेश मन्त्रालयले स्थितिलाई ‘कमजोर’ भनेको छ ।

हामी अस्थायी युद्धविराममा छौँ, हामी यसलाई दिगो बनाउन र सम्बन्धको दीर्घकालीन स्थिरताका लागि कूटनीतिक रूपमा काम गर्ने प्रयास गरिरहेका छाैँ, यो हाम्रो लागि ठूलो उद्देश्य हो, प्रवक्ता सफकत अली खानले शुक्रबार साप्ताहिक रूपमा हुने पत्रकार सम्मेलनमा भने। उनले भने, तर योभन्दा बाहिर, म तपाईंसँग कुनै पनि जानकारी साझा गर्न सक्ने स्थितिमा छैन।