इजरायललाई मान्यता दिने क्रम बढ्दोः रुबियो

किर्यात गात, इजरायल । इजरायलसँग सम्बन्ध सामान्य बनाउन धेरै देशहरू तयार रहेको तर यो निर्णयका लागि व्यापक क्षेत्रीय सम्झौताको प्रतीक्षा गरिने अमेरिकी विदेशमन्त्री मार्को रुबियोले शुक्रबार बताएका छन्।

गाजामा युद्धविरामको समन्वय गर्ने उद्देश्यका साथ इजरायलमा अमेरिकी नेतृत्वको बहुराष्ट्रिय केन्द्रको भ्रमण गरिरहेका रुबियोले भने, क्रमशः युद्धको अन्त्यले थप देशहरूलाई सन् २०२० मा धेरै अरब देशहरूले इजरायलसँग सम्बन्ध सामान्य बनाएका तथाकथित अब्राहम सम्झौतामा सामेल हुन प्रोत्साहित गर्नेछ। धेरै देशहरू सम्झौतामा सामेल हुन चाहन्छन्, उनले भने ।

मलाई लाग्छ, केही देशहरू अहिले नै र केही देशहरू सामान्य छलफलपछि अब्राहम सम्झौता अनुसार अघि बढ्न तयार छन् तर हामी यसलाई अझै बृहत् बनाउन चाहन्छौँ त्यसैले हामी यसका लागि काम गरिरहेका छौँ, रुबियोले इजरायलको भ्रमणका क्रममा पत्रकारहरूसँग भने ।

रुबियोले अरब देशहरूको खास नाम उल्लेख नगरिकन भने उनीहरूले पहिले आफ्ना नागरिकलाईसम्बोधन गर्न आवश्यक छ।

साउदी अरबले इजरायलसँगको सम्बन्ध सामान्य बनाउन अमेरिकासँग वार्ता गरिरहेको छ, जुन इस्लामका दुई पवित्र स्थलहरू भएको हुनाले यो ऐतिहासिक कोसेढुङ्गा हुनेछ।

सन् २०२३ अक्टोबर ७ मा हमासले इजरायलमा आक्रमण गरेपछि गाजामा युद्ध सुरु भएको र यससँगै खाडी राज्य इजरायलले सम्बन्ध सामान्यीकरणमा पछि हटेको थियो।

अमेरिकी राष्ट्रपति डोनाल्ड ट्रम्प र इजरायलका प्रधानमन्त्री बेन्जामिन नेतान्याहु दुवैले संयुक्त अरब इमिरेट्स, बहराइन र मोरक्कोले इजरायलसँग सम्बन्ध स्थापना गरेको अब्राहम सम्झौतालाई एक ठूलो उपलब्धिको रूपमा हेरेका छन्।

साउदी अरबले स्वतन्त्र प्यालेस्टाइन राज्यतर्फ प्रगति नगरी सम्बन्ध सामान्य बनाउन नसक्ने बताउँदै आएको छ । यसको नेतान्याहूले लामो समयदेखि विरोध गर्दै आएका छन्।