गाजा शान्ति योजना प्रस्तावबारे मतदान अघि प्यालेष्टिनी राज्यको विरोधलाई जोड दिइने

जेरूसेलम । इजरायलका प्रधानमन्त्री बेन्जामिन नेतन्याहू र उहाँको सरकारका सदस्यहरूले अमेरिका समर्थित गाजा शान्ति योजनालाई समर्थन गर्ने प्रस्तावमा सोमबार संयुक्त राष्ट्रसङ्घ सुरक्षा परिषद्मा मतदान हुनुअघि प्यालेस्टाइन राज्यको विरोधलाई जोड दिएका छन् ।

अमेरिकी राष्ट्रपति डोनाल्ड ट्रम्पको मध्यस्थतामा इजरायल र हमासबीच भएको युद्धविराम सम्झौतालाई पछ्याउने प्रस्तावको मस्यौदा प्रस्तावमा सङ्क्रमणकालीन प्रशासन र अस्थायी अन्तर्राष्ट्रिय सुरक्षा बलका लागि परिषद्ले आशीर्वाद दिएको छ ।

पहिलेका मस्यौदाहरूको विपरीत प्रस्तावको पछिल्लो संस्करणले सम्भावित भविष्यको प्यालेस्टाइन राज्यको उल्लेख गरेको छ, जसको इजरायली सरकार कडा विपक्षमा छ ।

नेतान्याहूले उग्र दक्षिणपन्थी अर्थमन्त्री बेजालेल स्मोट्रिचसहित गठबन्धन सदस्यहरूको आलोचनाको सामना गरेका थिए, जसले उनलाई पश्चिमा देशहरूले प्यालेस्टाइन राज्यको मान्यताको हालैको लहरप्रति प्रतिक्रिया दिन असफल भएको आरोप लगाएका थिए ।

अति दक्षिणपन्थी फायरब्रान्ड र राष्ट्रिय सुरक्षा मन्त्री इतामार बेन ग्भिरले प्यालेस्टाइनी पहिचानलाई अस्विकार गर्नुभयो। सुरक्षा परिषदको प्रस्तावले गत महिना भएको अमेरिका समर्थित सम्झौताको दोस्रो चरणलाई प्रभावकारी रूपमा अगाडि बढाउनेछ, जसले हमासको सन् २०२३ अक्टोबर ७ मा इजरायलमाथि भएको आक्रमणबाट सुरु भएको दुई वर्षको युद्धपछि युद्धविराम ल्याएको थियो ।

पहिलो चरणमा अन्तिम २० जीवित इजरायली बन्धकहरू र प्यालेस्टिनी लडाकुद्वारा बन्धक बनाइएका २८ मारिएका लगभग सबैलाई रिहा गरिएको छ। बदलामा इजरायलले करिब दुई हजार प्यालेस्टाइनी कैदीहरूलाई रिहा गरेको छ र ३३० शव फिर्ता गरेको छ। –रासस/एएफपी