रमाडा बाइ विन्धाम इटहरीले पायो नेपाल सरकारको प्रतिष्ठित “अति उत्तम” खाद्य गुणस्तर प्रमाणपत्र

काठमाडौं । आफ्नो रजिस्टर्ड प्यारेन्ट कम्पनी ग्रान्ड सेन्ट्रल होटल प्रा. लि. अन्तर्गत सञ्चालित रमाडा बाइ विन्धाम इटहरीलाई नेपाल सरकार, खाद्य प्रविधि तथा गुण नियन्त्रण विभागद्वारा प्रतिष्ठित “अति उत्तम” फुड बिजनेस स्ट्यान्डर्डाइजेसन सर्टिफिकेट प्रदान गरिएको छ ।

हालै प्रदान गरिएको “अति उत्तम” रेटिंग नेपालमा खाद्य तथा हस्पिटालिटी व्यवसायलाई दिइने सबैभन्दा उच्चकोटीको प्रमाणिकरण हो । यसले होटलले सरकारी खाद्य सुरक्षा मापदण्डहरूको कडाइका साथ पालना गर्दै उच्चस्तरीय भोजन तथा खाजाका परिकार प्रदान गर्ने प्रतिबद्धतालाई पुष्टि गर्दछ ।

विराटनगरस्थित खाद्य प्रविधि तथा गुण नियन्त्रण कार्यालयद्वारा जारी गरिएको यो विशिष्ट प्रमाणपत्रले होटलको उच्च खाद्य गुणस्तर, उत्कृष्ट सरसफाइ तथा पाहुनाको सुरक्षाप्रति देखाएको दृढ प्रतिबद्धतालाई प्रतिबिम्बित गर्दछ । हालै सञ्चालनमा आएको यस होटलका सञ्चालक श्री देशबन्धु बस्नेत र महाप्रबन्धक श्री अभिमन्यु कायस्थसहित समर्पित व्यवस्थापन टोलीको नेतृत्वमा रमाडा बाइ विन्धाम इटहरीले छोटो अवधिमै यस क्षेत्रको हस्पिटालिटी क्षेत्रलाई नयाँ उचाइमा पु¥याउने लक्ष्यका साथ सकारात्मक सुरुवात गरेको छ ।

महाप्रबन्धक अभिमन्यु कायस्थले भने, “खाद्य प्रविधि तथा गुण नियन्त्रण विभागबाट ‘अति उत्तम’ स्ट्यान्डर्डाइजेसन प्राप्त गर्नु हाम्रो लागि ठूलो सम्मानको कुरा हो। यस उपलब्धिले हाम्रो टोलीको निरन्तर मेहनत र पाहुनालाई उत्कृष्ट सुविधा मात्र होइन, सुरक्षित र उच्च गुणस्तरीय भोजन अनुभव प्रदान गर्ने हाम्रो मूल मन्त्रलाई प्रमाणित गरेको छ ।”

रमाडा बाइ विन्धाम इटहरी हाम्रा अतिथिहरूलाई उत्कृष्ट आवासको सुविधा, आधुनिक पूर्वाधार तथा अब आधिकारिक रूपमा मान्यता प्राप्त उच्चस्तरीय भोजन सेवाको समेत अनुभव लिन हार्दिक आमन्त्रण गर्दछ ।