साउदीले आफ्नो र आफ्ना बासिन्दाको सुरक्षा सुनिश्चित गर्न आवश्यक सबै कदम चाल्ने

काठमाडाैं । साउदी प्रेस एजेन्सीले साउदी मन्त्रिपरिषद्लाई उद्धृत गर्दै एक विज्ञप्तिमा भनेको छ कि इरानबाट हुने सम्भावित आक्रमणको जवाफ दिन साउदी अरेबिया आफ्ना सहयोगीहरूसँग उभिएको छ र आवश्यक परेमा उनीहरूलाई मद्दत गर्न आफ्नो सबै क्षमता प्रयोग गर्न तयार छ ।

यो वक्तव्य यस्तो समयमा आएको हो जब साउदी अरेबियाको राजधानी रियादमा रहेको अमेरिकी दूतावासमा रहेको केन्द्रीय गुप्तचर एजेन्सी (सीआईए) को स्टेशनलाई सोमबार ड्रोन आक्रमणमा लक्षित गरिएको बताइएको छ ।

समाचार एजेन्सी रोयटर्सका अनुसार अमेरिका र साउदी अरेबिया दुवैले दूतावास परिसरमा दुई ड्रोनले प्रहार गरेको पुष्टि गरेका छन्। यद्यपि, सीआईए लक्षित थियो कि थिएन भन्ने कुरा स्पष्ट छैन ।

द वासिङ्टन पोस्टका अनुसार आक्रमणका कारण दूतावासको छानाको एक भाग भत्कियो र परिसर धुवाँले भरियो ।दूतावासका कर्मचारीहरूलाई तत्काल सुरक्षित स्थानमा बस्न निर्देशन दिइएको छ । बीबीसी