जावाको बीएस–सिक्स अब नेपालमै

काठमाडौं । नेपालका लागि क्लासिक लिजेन्ड्सको एकमात्र अधिकृत वितरक अग्नि ग्रुपको सहायक कम्पनी अग्नि मोटोइंक प्रालिअन्तर्गत जावा मोटरसाइकलले देशभर आफ्नो डिलरसिप नेटवर्कमार्फत जावा र जावा ४२ को बीएस–सिक्स मोडलको वितरण र डेलिभरी सुरु गरेको छ । जावा मोटरसाइकल प्रेमीहरूले अब बिर्तामोड, धरान, इटहरी, विराटनगर, लहान, पोखरा, नारायणगढ, बुटवल, भैरहवा, नेपालगन्ज, वीरगन्ज, सुर्खेत, दाङ, बागलुङ र धनगढीका विभिन्न शाखा र डिलरहरूबाट यी दुवै मोडलका जावा बाइकहरू बुकिङ गर्न सक्नुहुनेछ ।

जावा र जावा ४२ दुवैमा २९३ सीसी लिक्विड कुल्ड सिंगल सिलिन्डर डीओएचसी इन्जिनको प्रयोग गरिएको छ । दुवै बाइकमा अब क्रस पोर्ट टेक्नोलोजी पनि समावेश गरिएको छ, जसले इन्जिनको भोल्युमेट्रिक दक्षतालाई उत्कृष्ट चार्ज र निकास ग्यास प्रवाहका लागि सहज बनाउनुका साथै कार्यक्षमता वृद्धि गर्ने र टर्क उत्पादन गर्ने गर्छ ।

बीएस–फोर कन्फिगरेसन बराबरको पावर र टर्क उत्पादन गर्ने क्रस पोर्ट व्यवस्था भएको यो विश्वको पहिलो सिंगल सिलिन्डर इन्जिन भएकाले यसले ग्राहकलाई त्यस्तै उत्कृष्ट राइडको अनुभव प्रदान गर्दछ । यस प्रविधिले मोटरसाइकलहरूमा विशिष्ट दोहोरा विशेषताहरू –समान शक्ति र टर्क फिगरहरू कायम राख्ने र उच्च बीएस–सिक्स प्रदूषण मापदण्डहरू पूरा गर्ने गर्दछ ।

विश्वको पहिलो क्रस पोर्ट लेआउट भएको सिंगल सिलिन्डरयुक्त जावामा भर्खरै राखिएको ल्याम्ब्डा सेन्सरले आन्तरिक र बाह्य पक्षहरूलाई अझ प्रभावकारी रूपमा निगरानी गर्दछ, जसको परिणाम स्वरूप निरन्तर कार्यकुशलता र ड्राइभिङ अवस्थाहरूबाट स्वतन्त्र उत्सर्जन हुने गर्दछ । त्यसैगरी, सानोभन्दा सानो इनपुटहरूलाई पनि ध्यानपूर्वक राम्रो इन्धनको माध्यमबाट प्रतिक्रिया दिनका लागि थ्रोटल रेस्पोन्सलाई थप तीखो बनाइएको छ ।

सिटलाई नयाँ सिट प्यानका साथै लामो दूरीमा थप आरामदायी बनाउन कुशनिङको साथ पुनः इन्जिनियर गरिएको छ । कस्मेटिक डिपार्टमेन्टमा, क्रोम प्लेटिङ अब उद्योगको मापदण्डको साढे दुई गुणा मूल्यांकन गरिएको कठोर परीक्षणको समर्थनमा आउँछ । दुवै जावा मोडलहरू कन्टिनेन्टलद्वारा (एकल र दोहोरो च्यानल) एबीएसले सुसज्जित क्लास ब्रेकिङ प्रणालीहरूमा उत्कृष्ट हुने क्रम जारी राख्दछन् र साथै आफ्ना प्रतिस्पर्धीहरूबीच सबैभन्दा छोटो ब्रेकिङ दूरी र उत्कृष्ट नियन्त्रणका लागि चिनिने पनि गर्छन् ।

यही सँगै, जावा बाइकका हुडमुनि हर्नको टोनदेखि लिएर स्लिकर गियरबक्ससम्म पनि धेरै सुधारहरू गरिएको छ ।