सामसङले ल्यायो एआई- इनेबल्ड इकोबब्बल वासिङ मेसिन

काठमाडौं । नेपालको सबैभन्दा ठूलो र सर्वाधिक विश्वासिलो उपभोक्तामुखी इलेक्ट्रोनिक्स ब्रान्ड, सामसङले आफ्नो २०२२ को नयाँ लाइन अपअन्तर्गत पूर्णतः आर्टिफिसियल इन्टेलिजेन्स स्वचालित फ्रन्ट लोड वासिङ मेसिनहरू प्रस्तुत गरेको छ । यी नयाँ एआइ एकोबब्बल वासिङ मेसिनहरू सहज धुलाईको अनुभवका लागि नयाँ एआइ कन्ट्रोल विशेषतासहितका छन् भनें उपभोक्ताहरूको चाहना अनुरुप ८ केजी र ९ केजीसम्मको क्षमतायुक्त मोडलहरू छन् ।

२०२२ का वासिङ मेसिनहरू ४ नयाँ मोडलहरूमा उपलब्ध छन् र यी मोडलहरू एआइ कन्ट्रोल, इकोबब्बल टेक्नोलोजी र हाइजिन स्टिम जस्ता विेशषताहरूयुक्त छन् । एआइ कन्ट्रोलले तपाईंको धुलाई तरिकालाई सम्झन्छ र बुझ्ने गर्छ, साथै मेसिन लर्निङ प्रयोग गरेर सबैभन्दा उपयुक्त साइकलहरूको सुझाव दिने गर्दछ । यसले लन्ड्री रेसिप, लन्ड्री प्लानि«ङ, होमकेयर विजार्ड र स्थानमा आधारित सुझावहरू जस्ता स्मार्ट समाधानहरू प्रदान गर्ने गर्दछ । २०२२ का वासिङ मेसिनहरूमा सामसङको स्वामित्व भएको इकोबब्बल प्रविधि जडित छन्, जसले ४५ प्रतिशत अतिरिक्त फेब्रिक केयर उपलब्ध गर्नुका साथै ऊर्जा बचत गर्न मद्दत गर्छ । उच्च गुणस्तरको सफाई र स्वच्छताको सुनिश्चितता दिलाउन सम्पूर्ण नयाँ मोडलहरू हाइजिन स्टिम प्रविधिका साथ उपलब्ध छन्, जुसले गढेको मयल तथा ९९.९ प्रतिशत एलर्जि जीवाणुहरू र हटाउन सक्षम छ ।

एआइ इकोबब्बल नेपालको पहिलो वासिङ मेसिन हो, जसले मल्टिपल अपशनहरू चलाउने आवश्यकता हटाएर प्रयोगको सहजता प्रदान गर्दै प्रयोगकर्ताको व्यवहारलाई बुझेर सबैभन्दा उपयुक्त धुलाई साइकल सिफारिस गर्दछ । यो स्मार्ट इन्टरनेट अफ थिङ्स (आइओटि) सक्षम वासिङ मेसिन ग्यालेक्सी स्मार्टफोनहरू, सामसङ स्मार्ट टिभि जस्तै सामसङ स्मार्ट उपकरणहरू साथसाथै भ्वाइस उपकरणहरू एलेक्सा र गुगल होमसंग कनेक्ट गर्न सकिन्छ । जसले गर्दा प्रयोगकर्ताहरूले सिमलेस अनुभव लिन सक्दछन् ।

सामसङ स्मार्ट थिङस एपसंग जोडेपछि एआइ इको बब्बल वासिङ मेसिनहरूले २८ लाख डाटा अँकहरूमा आधारित उत्कृष्ट धुलाई अपशनहरू उपलब्ध गराउँछन् । धुलाई अनुभवलाई ज्यादा प्रभावकारी र सजिलो बनाउन लन्ड्री प्लानरले प्रयोगकर्ताहरूलाई धुलाईको अन्त्य हुने समय निर्धारण गर्न सघाउँछ भनें लन्ड्री रेसिपिले प्रयोगकर्ताद्वारा दिइएको रङ, फेब्रिक किसिम र दागको डिग्री लगायतको सूचनाहरूमा आधारित उच्चतम धुलाई साइकलहरूको अटोमेटिक रेकमेन्डेशन प्रदान गरी अनुमान लगाउनु पर्ने आवश्यकतालाई हटाउँछ । गोइङ आउट मोडले एन्ड टाइम ढिलो गर्न सहयोग गर्छ र धेरै समयसम्म वासरमा लुगा कपडाहरू छाडिनबाट बचाउँछ। यसका अलावा होम केयर विजार्डले प्रयोगकर्ताहरूलाई सम्भावित समस्याहरूका बारेमा सजग गराउँदै तीव्र समस्या निवारण गर्दछ ।

मूल्य, उपलब्धता र वारेन्टी
यी सम्पूर्ण नयाँ वासिङ मेसिनहरू नेपालभरका सबै खुद्रा बिक्री साझेदारहरूमा सामसङको आधिकारिक वितरकहरू हिम इलेक्ट्रोनिक्स र त्रिवेणी व्यापारमार्फत् उपलब्ध हुनेछ । यी मेसिनहरूको शुरुवाती मूल्य ११७,९९० रुपैयाँ कायम गरिएको छ ।

उपभोक्ताहरूलाई एआइ इकोबब्बल वासिङ मेसिनहरूमा १ वर्षको वारेन्टी र डिटिआइ मोटरमा १० वर्षको वारेन्टी दिइनेछ ।

नयाँ वासिङ मेसिनकाहरू किन्न चाहने उपभोक्ताहरूले चुनिएका सामसङ स्मार्ट प्लाजाहरूबाट शुन्य लागत मासिक किस्ताबन्दीमा पनि सजिलो फाइनान्सिङ विकल्पहरू प्राप्त गर्न सक्नु हुनेछ ।

सामसङको एआई वासिङ मेसिनहरूका विशेषताहरूः
एआइ कन्ट्रोल
एआइ कन्ट्रोलहरूले स्मार्ट समाधानहरू जस्तै लन्ड्री रेसिपि, लन्ड्री प्लानिङ, होम केयर विजार्ड र स्थानमा आधारित रेकमेन्डेशनहरू उपलब्ध गराएर धुलाई कार्यलाई बढी सहज र ज्यादा प्रभावकारी बनाइदिन्छन् ।
एआइ प्याटर्नले तपाईंको लुगा धुने व्यवहारलाई सम्झन्छ र बुझ्छ अनि सबैभन्दा उपयुक्त साइकलहरूको सुझाव दिन्छ । यसले साइकलहरू पर्सनलाइज गरेर उत्तम धुलाई अनुभवलाई तपाईंको आवश्यकताहरू र जीवनशैलीसंग अनूकूल मिलाउँछ । साथै यसले सर्भिस सेन्टरलाई नबोलाइकनै र म्यानुअल नहेरी समस्याहरू समाधान गर्न मद्दत गर्दछ ।

एआइ इकोबब्बल
सामसङको इकोबब्बल प्रविधिले डिटरजेन्टलाई पानीमा घुलाउनलाई बबल उत्पन्न गर्दछ र त्यसपछि हावा इन्जेक्ट गराएर घना फिंज उत्पादन गर्दछ जुन ४० गुणा छिटो प्रवेश हुन्छ । बब्बल कुशनका साथ यस प्रविधिले ४५ प्रतिशत अतिरिक्त फेब्रिक केयर प्रदान गर्दछ । कोमल र सौम्य बब्बलहरूले मुलायम कपडाहरू जस्तै आउटडोर पहिरनहरू र वाटर रिपेलेन्ट फेब्रिकहरूलाई जोगाउँछ । इको बब्बलले पानीमा डिटर्जेन्ट राम्ररी घोलेर कपडाहरूमा छिटो प्रवेश गराइदिन्छ । सुपर इको वाशले केवल ३० प्रतिशत ऊर्जा खपत गर्दै केवल १५ डिग्री सेल्सियसमा धोएर ४० डिग्री सेल्सियस धुलाईको प्रतिफल दिन्छ ।

बब्बल सोक
बबल सोक प्रणालीले विभिन्न किसिमका दागहरू एक स्पर्शमै राम्ररी र सफासंग हटाइदिन्छ । यो सक्रिय बब्बल प्रणालीले विभिन्न खाले जिद्दी दागहरू जस्तै रगत, चिया, वाइन, मेक–अप र घाँसका दागहरू हटाउन मद्दत गर्छ ।

एड वास
एड वासले धुलाई साइकल शुरु भए पश्चात् पनि प्रयोगकर्तालाई डिटरजेन्ट अथवा थप कपडाहरू राख्ने कार्यमा सघाउँछ । एक साइकलको दौरान बिर्सिएका सामग्रीहरू, अतिरिक्त सफटनर र मिच्ने मात्रका वस्तुहरू थप गर्न सकिन्छ ।

हाइजिन स्टिम
हाइजिन स्टिमले ड्रमको तलबाट वाफ निष्कासन गरेर र धुलाईलाई पूर्णतया राम्ररी भिजाएर कपडाहरूको सफाई गर्छ । हाइजिन स्टिमले कडा मयल र ९९.९ प्रतिशत जीवाणु तथा एलर्जिहरू हटाइदिन्छ । हाइजिन स्टिम साइकलमा पहिले पानी, मयल र डिटरजेन्ट निष्कासन हुन्छ । दोस्रोमा, यसले वाफ बनाउन थोरै सफा पानी लिन्छ । त्यसपछि २० मिनेटको लागि बिल्ट इन हिटरले पानी उमाल्छ । वाफ चरणपछि यसले पानी निष्कासन गर्छ र मिच्ने प्रक्रिया शुरु गर्छ अनि अन्त्यमा साइकल पूरा गर्न अर्को धुलाई प्रक्रियालाई अघि बढाउँछ ।

डिजिटल इन्भर्टर प्रविधि
डिआइटिले शान्त र अधिक शक्तिशाली कार्यको लागि बलिया चुम्बकहरू प्रयोग गर्दछ , तर ब्रश भएको युनिभर्सल मोटरको दाँजोमा कम ऊर्जा खपत गर्दछ । यसले ब्रशहरू प्रयोग गर्दैन र यसको निर्माण उच्च गुणस्तरीय मेकानिकल इन्जिनियरिङ प्रयोग गरेर गरिन्छ । यसमा १० वर्षको वारेन्टी प्रदान गरिएको छ, जसले तपाईंको वासिङ मेसिनको आयु धेरैकालको भएको ग्यारेन्टी दिन्छ ।

ड्रम क्लिन/ड्रम क्लिन प्लस
ड्रम क्लिनले कुनै पनि केमिकलहरूको प्रयोग बिना तपाईंको वासरलाई जीवाणु रहित एवं फोहर रहित राख्न सहयोग गर्छ । यसले वासरको भित्रबाट ९९.९ प्रतिशत जीवाणु र रबड ग्यास्केटबाट फोहरहरू हटाइदिन्छ । ड्रम क्लिन+ साइकलको इन्टरटेकद्वारा गरिएको परीक्षणमा आधारित । वासिङ मेसिनले स्वतः प्रयोगकर्तालाई सफा गर्नु पर्ने बेला नोटिफाइ गराउँछ ।

स्टे क्लिन ड्रयर
स्टे क्लिन ड्रयरमा धेरै डिटरजेन्ट वाटर फ्लसिङ प्रणालीले धोएर लग्छ । त्यसैले सबै डिटरजेन्ट वा सफ्टनरहरू पूर्णतया प्रयोग हुन्छ र ट्रे सफा तथा अधिक स्वच्छ रहन्छ ।

सुपर स्पिड साइकल
सुपर स्पिड साइकल विशेषताले फूल लोडको धुलाई केवल ५९ मिनेटमा गर्न सक्छ । इको बब्बल प्रविधिले शक्तिशाली सफाईको सुनिश्चितता दिन्छ भने स्पिड स्प्रे प्रयोग गरेर रिन्ज समय छोट्याउन सकिन्छ । यसले कपडाहरूलाई छिटो स्पिन–ड्राई गर्न स्पिनको गति पनि बढाउँछ ।

क्विक ड्राइभ
यो प्रविधिले धुलाई साइकलहरूलाई तीव्र रुपमा छिटो मात्र गर्दैन साथसाथै प्रक्रियालाई अझ सजिलो र बढी इनर्जी एफिसिएन्ट पनि बनाउँछ । नवीनतम फेब्रिक केयर ड्रममा पल्सेटर जडित छ, जसले हरेक पटक तपाईंको लुगा छिटो र प्रभावकारी ढँगले धुन्छ । अब तपाईंले कपडा धुन थोरै समय र लुगा लगाउन धेरै समय लगाउन सक्नुहुन्छ ।

अटो डिस्पेन्सर
अटो डिस्पेन्सरले तपाईंलाई कम समयमा राम्ररी लुगा धुन सघाउँछ । यसले प्रत्येक लोडका लागि डिटरजेन्ट र सफ्टनरको आवश्यक परिमाण अटो डिस्पेन्स गरेर २६ प्रतिशत डिटरजेन्ट तथा ४६ प्रतिशत सफ्टनरको बचत गराउँछ । यसमा भएको सजिलै डिटरजेन्ट भर्न सकिने डिट्याचेबल ट्याँकमा १ महिनासम्म धुन पुग्ने डिटरजेन्ट राख्न सकिन्छ ।

सामसङ इलेक्ट्रोनिक्स कं.लि.को बारेमा
सामसङले परिवर्तनकारी सोचहरू र प्रविधिहरूका साथ भविष्यलाई आकार दिन्छ र विश्वलाई प्रेरित गर्दछ । कम्पनीले टिभि, स्मार्टफोन, पहिरनयोग्य डिभाइस, ट्याब्लेट, डिजिटल उपकरण, नेटवर्क प्रणाली र मेमोरी, सिस्टम एलएसआइ, फाउण्ड्री र एलइडि विधिको परिभाषालाई पुनःपरिभाषित गर्दै छ ।