एलोन मस्कले फेरि गरे ट्विटरको लोगो परिवर्तन : कुकुरको ठाउँमा नीलो चरा फर्कियो

एजेन्सी । विश्वका दोस्रो धनी व्यापारी एलोन मस्कले माइक्रो ब्लगिङ साइट ट्विटरको लोगो फेरि परिवर्तन गरेका छन् । तीन दिन अघि नीलो चरालाई बिस्थापित गर्दै उनले लोगोका रूपमा कुकुरको टाउक‍ो प्रयोग गर्न थालेका थिए । यद्यपि, यो परिवर्तन वेब संस्करणमा मात्र गरिएको थियो, एपमा होइन । अब नीलो बर्ड लोगो फेरि ल्याइएको छ । यो लोगो वेब र एप दुवैमा देखिने छ । लोगोमा परिवर्तन पछि, क्रिप्टोकरेन्सी डगक्वाइनमा लगभग १० प्रतिशतको गिरावट देखिएको छ।

देखिएको छ। ट्विटर लोगोको कुकुर के थियो ? सफ्टवेयर इन्जिनियर बिली मार्कस तथा ज्याक्सन पाल्मरले २०१३ मा बिट्क्वाइन जस्ता अन्य क्रिप्टोकरेन्सीहरूको मजाक उडाउन DodgeCoin सुरु गरे । मस्कले धेरै ठाउँमा यसलाई आफ्नो मनपर्ने क्रिप्टोकरेन्सीका रूपमा वर्णन गरेका छन् । मस्कले फेब्रुअरी २०२२ मा डगक्वाइनको समर्थनमा निकै ट्वीट समेत गरे। त्यतिबेला उनले पहिलो ट्विटमा ‘DOGE’ मात्र लेखेका थिए । दोस्रो ट्विटमा मस्कले लेखेका छन्– Dodgecoin जनताको क्रिप्टो हो । न उच्च, न तल्लो मात्र DOGE । त्यसपछि यो क्रिप्टोकरेन्सीको मूल्य ५ सेन्टमा पुगेको थियो ।

मस्कको ट्वीट अघि यो तीन सेन्टमा व्यापार गरिरहेको थियो । डिसेम्बर २०२० मा पनि उनले एक शब्द ट्वीट गरे: डोगे र यसको मूल्य २० प्रतिशतले बढ्यो । २०२३ मा आएर ट्विटरको नयाँ लोगोमा मस्कले यो क्रिप्टोकरेन्सीको कुकुरको फोटो प्रयोग गरे । प्रयोगकर्ताहरू यो निर्णयबाट आश्चर्यचकित भए र DOGE ट्रेन्डिङ नै सुरु भयो । ट्विटरको लोगो परिवर्तन हुनेबित्तिकै प्रयोगकर्ताहरू छक्क परे र यो परिवर्तनका सम्बन्धमा प्रश्न गर्न थाले । एक प्रयोगकर्ताले सबैले लोगोमा कुकुर देखिरहेका छन् कि भनेर सोधे । केही समयमै #DOGE ले ट्विटरमा ट्वीट हुन थाल्यो । प्रयोगकर्ताहरूले सोचे कि कसैले ट्विटर ह्याक गरेको छ । केही समय पछि एलोन मस्कले एक ट्वीट गरे, जसले ट्विटरले आफ्नो लोगो परिवर्तन गरेको स्पष्ट गर्यो । यद्यपि अब निलो चरा फेरि फर्किएको छ।