नयाँ २०२३ कावासाकी निन्जा ३०० लन्च

काठमाडाैं । कावासाकी मोटर्स ( Kawasaki Motors) ले २०२३ कावासाकी निन्जा ३०० (2023 Kawasaki Ninja 300) लन्च गरेको छ । भारतमा यसको प्रारम्भिक एक्स-शोरूम मूल्य रु ३.४३ लाख भारु छ । यो शक्तिशाली ३०० सीसी बाइक तीन फरक रंगमा उपलब्ध छ जसमा लाइम ग्रीन, क्यान्डी लाइम ग्रीन तथा मेटालिक मुनडस्ट ग्रे समावेश छन् । यो बाइकको परफर्मेन्स तथा राइडिङ डाइनामिक्स पहिलेभन्दा राम्रो रहेको दाबी गरिएको छ ।

लुक र डिजाइन

नयाँ कावासाकी निन्जा ३०० मा लाइम ग्रीन पेन्ट थिमको आधार रंग रहेको जापानी दुई पाङ्ग्रे सवारी निर्माता कम्पनीले जनाएको छ जसमा रातो हाइलाइटको साथ फेयरिङमा कालो ग्राफिक्स उपलब्ध छन् । रेस इन्स्पायर्ड लिभरीले बाइकको स्टाइल बढाएको निर्माताको दाबी छ । मोडलको क्यान्डी लाइम ग्रीन पेन्ट डुअल टोन कलर थिम भएकोले साइड प्यानल र फ्युल ट्याङ्कीमा अपडेटेड ग्राफिक्सका साथ उपलब्ध गराइएको छ ।

इन्जिन पावर

नयाँ कावासाकी निन्जा ३०० मा थुप्रै सुविधाहरू दिइएको छ जसले यसलाई आफ्नो सेक्टरको सबैभन्दा आकर्षक स्पोर्ट्स बाइक बनाउँछ । यो बाइकमा लिक्विड कूल्ड, ४ स्ट्रोक समानान्तर ट्विन २९६ सीसी DOHC, फ्युल इन्जेक्सन प्रणालीसहितको ८ भल्भ इन्जिन छ । यो इन्जिनले ३९ पीएसको पीक पावर तथा २६.१ एनएमको अधिकतम टर्क जेनरेट गर्छ।

राम्रो समग्र कार्यसम्पादनका लागि यसमा डुअल च्यानल एबीएस, ताप व्यवस्थापन प्रविधि, रेस-व्युत्पन्न क्लच टेक्नोलोजी जडान गरिएको छ जसले स्मूथ शिफ्ट अनुभव दिन्छ ।

अन्य बिशेषता

कावासाकीले यो बाइकलाई थप बलियो बनाउन हाई-टेन्साइल डायमण्ड चेसिस प्रयोग गरिएको बताएको छ। यो बाइकमा असिस्ट र स्लिपर क्लच छ, जुन रेसिङ टेक्नोलोजीबाट प्रेरित छ। यसले ब्याक-टोर्क लिमिटर र सेल्फ-सर्भो मेकानिज्म दुवैको रूपमा काम गर्छ।

कावासाकीको दावी अनुसार जटिल क्रस-सेक्शनका साथ छोटो साइलेन्सरको साथ यो बाइकले उत्कृष्ट कार्यसम्पादन, कम आवाज र उच्च गतिमा कार्यसम्पादन गर्नेछ।