गाजाका लडाकूहरूद्वारा इजरायली बन्धकहरू रिहा

नुसिरात । शनिबार गाजा पट्टीमा दुई शनिबार गाजा पट्टीमा दुई सावधानीपूर्वक रेकर्ड गरिएका समारोहहरूमा भीडलाई उत्साहित गर्नुअघि हमासले केही विह्वल र अन्य हर्षित देखिन पाँच इजरायली बन्धकलाई प्रस्तुत गरेको छ ।

रफाहमा भएको पहिलो राम्रोसँग रिहर्सल गरिएको बिहानको समारोहमा हमास लडाकुहरू व्यवस्थित ढङ्गले उभिए जब उनीहरूले स्पष्टसँग कठिनाइका साथ हिँडिरहेका बन्धक ताल सोहम र अभेरा मेङ्गिस्टुलाई रेडक्रसलाई हस्तान्तरण गरे ।

पहिलेका बन्धक रिहाइहरूमा जस्तै पुरुषहरूलाई उनीहरूको कैदको अन्त्य चिन्हित गर्न हिब्रू भाषामा प्रमाणपत्र दिइयो र मध्यस्थकर्ताका रूपमा काम गर्ने रेडक्रसका सवारी साधनमा चढ्न सहयोग गरियो ।

हमासको सशस्त्र शाखा, एज्जेदिन अल–कस्साम ब्रिगेड्सका लडाकूहरूले फौजी पोशाक, बालाक्लाभा र हरियो हेडब्यान्ड लगाएर दर्शकहरूको भीडलाई रोक्न क्षेत्र वरिपरि घेरा बनाए ।

त्यस्तै खालको कार्यक्रममा पछि नुसिरातमा सयौंको हर्षित भीडलाई मुस्कुराउँदै बन्धक एलिया कोहेन, ओमेर शेम टोभ र ओमेर वेनकर्टले खौरिएको टाउकोका साथ मञ्चमा प्रवेश गरे ।

तीनै जना छोटो समयका लागि हमास लडाकूहरूसँगै मञ्चमा उभिए र एउटा क्यामेरा ड्रोन र एक फोटोग्राफरले क्षण कैद गर्दा भीडलाई हात हल्लाए ।

– शक्ति प्रदर्शन –

दक्षिणी इजरायलको नोभा सङ्गीत महोत्सवबाट अक्टोबर ७ मा अपहरण गरिएका शेम टोभले आफ्ना दुई हमास अपहरणकर्तालाई केफियाह–लपेटिएको टाउकोमा चुम्बन गर्नुअघि भीडलाई हात हालेर चुम्बन गरे ।

इजरायली सेनाले एक दशकअघि गाजामा पक्राउ परेका छैटौँ इजरायली बन्धक हिशाम अल–सायेदलाई प्राप्त गरेको बताएको छ ।

दुवै समारोहमा प्यालेस्टिनी लडाकूहरूले शक्तिको प्रदर्शन गरे । रफाहमा केहीले कलाश्निकोभ एसल्ट राइफल बोकेका थिए र अन्यले हातेरकेट लन्चर प्रदर्शन गरे भने प्यालेस्टिनी क्षेत्रमा युद्धले नष्ट भएका भवनहरूमा हमासको हरियो झण्डा फहराइरहेको थियो ।

दक्षिणी गाजाको मञ्चमा छद्म कपडाले ढाकिएको टेबलको अगाडि लडाइँमा इजरायली सैनिकहरूबाट जफत गरिएको अमेरिकी निर्मित एसल्ट राइफलहरू प्रदर्शन गरिएको थियो । रासस/एएफपी