आईपीएल आजदेखि पुन: सुरु हुँदै, बैंगलुरु र कोलकाता भिड्ने

काठमाडौं । इन्डियन प्रिमियर लिग (आईपीएल) क्रिकेट आजदेखि पुन सुरु हुँदै छ । भारत र पाकिस्तानबीचको तनावका कारण मे ८ देखि रोकिएको आईपीएल आजबाट सुरु हुन लागेको हो ।

खेल बैंगलुरुमा नेपाली समयअनुसार राति पौने ८ बजे सुरु हुनेछ । आजको खेलमा रोयल च्यालेन्जर्स बैंगलुरु र कोलकाता नाइट राइडर्सबीच प्रतिस्पर्धा हुँदैछ ।

आईपीएलका बाँकी खेलहरू बैंगलुरु, जयपुर, दिल्ली, लखनउ, मुम्बई र अहमदाबाद गरी ६ ठाउँमा सञ्चालन हुनेछन् ।