एनपीएल : सुदूरपश्चिमसँग जनकपुर ६ विकेटले पराजित

काठमाडौं । नेपाल प्रिमियर लिग (एनपीएल) दोस्रो संस्करणमा सुदूरपश्चिम रोयल्सले जनकपुर बोल्ट्सलाई ६ विकेटले पराजित गरेकाे छ ।

शनिबार कीर्तिपुरस्थित त्रिवि टीयू अन्तर्राष्ट्रिय क्रिकेट रङ्गशालामा सम्पन्न खेलमा टस जितेर जनकपुरले पहिलो ब्याटिङ गरेको थियो । निर्धाररित २० ओभरमा आठ विकेट गुमाउँदै जनकपुरले १४५ रन बनायो ।

जवाफी ब्याटिङमा उत्रिएको सुदूरपश्चिमले १४६ रनको लक्ष्य खेल सकिनु १४ बल अघि नै चार विकेटको क्षतिमा भेट्टायो ।