मोहन वैद्यले पाउने भए वर्षको ‘शमी साहित्य साधना सम्मान’

काठमाडौं । यस वर्षको ‘शमी साहित्य साधना सम्मान’ मोहन वैद्यलाई दिइने भएको छ।

शमी साहित्य प्रतिष्ठानले २०६७ सालदेखि अग्रज र ओझेलमा परेका साधकलाई वार्षिक रूपमा दिँदै आएको १ लाख १ हजार १ सय ११ राशिको सो सम्मान यस वर्ष कम्युनिस्ट आन्दोलनमा पनि सक्रिय नेता तथा लेखक वैद्यलाई प्रदान गर्ने भएको हो।

वैद्यकाे पछिल्लो कृति ‘हिमाली दर्शन’ लोकप्रिय छ भने मार्क्सवादी समालोचना’ चाँडै बजारमा आउँदैछ।

प्रतिष्ठानका अध्यक्ष प्रदीप नेपालको अध्यक्षता र संरक्षक डोलिन्द्रप्रसाद शर्माको उपस्थितिमा सम्पन्न कार्यसमितिको बैठकले प्रतिभा चयनका लागि गठित प्रा. राजेन्द्र सुवेदी संयोजकत्वको समितिको सिफारिसबमोजिम निर्णय गरेको प्रतिष्ठानले जनाएको छ।

पुरस्कार यही फागुन २८ गते प्रदान गरिनेछ।